Iyo uhuye n’ikibazo nk’iki—aho wifuza kugumana umubano ukomeye n’Imana nk’umukristo, ariko ugasanga uwo mwashakanye yaraguye mu busambanyi—ni ikibazo gikomeye gikeneye kwitwararika, gusenga cyane, no kugira umutima w’ubabarira no gukiza, aho guhubukira guhana.
Dore ibintu by’ingenzi wakora:
Gusenga no kwiyegereza Imana
: N’ubwo ikibazo kiri ku mugore wawe, nawe ugomba kwiyubaka mu mwuka. Shaka igihe cyo gusenga witaruye, usaba Imana kumukiza no kumuha kwihana. Saba Imana kukuyobora, iguhe umutima wo kubabarira n’ubwenge bwo gufata ibyemezo.
Kuganira n’umugore wawe mu rukundo ariko mu kuri
: Gerageza kumuganiriza atari mu burakari. Muganirize wicishije bugufi, utamucira urubanza, ahubwo umubwira uburyo ibyo akora bibabaje, bihungabanya urugo n’umubano n’Imana. Ibyo akora si wowe ubikora, ariko uko ubyitwaramo bishobora kumufasha kuva mu mwijima.
Shaka ubufasha bw’abanyamwuka
: Niba bishoboka, vugana n’umuyobozi w’itorero cyangwa umwigisha wizewe wubaha Imana, ushobora kubafasha mu biganiro bigamije gukiza no gusana imitima yasenyutse.
Niba umugore wawe yemera, mushobore kujyana mu biganiro by’abashakanye bafite ibibazo,hagamijwe ubwiyunge no gusengera hamwe.
Itegereze niba koko yifuza guhinduka
: Hari ubwo umuntu aba ari imbata y’ubusambanyi, ariko nta n’icyifuzo cyo kubireka afite. Icyo gihe. Ugomba kumenya niba yicuza, ashaka guhinduka, cyangwa niba ari we wabyemera wenyine.
Niba nta kwihana namba yerekana, uba ugomba kugisha inama y’abanyamwuka, ndetse rimwe na rimwe ukareba niba uburenganzira bwawe mu gushyingirwa butahutajwe.( Reba Matayo 19:9).
Igihe ibintu binaniye burundu…
Imana yanga icyaha ariko ntiyanga abantu. Ntiwakwihambira ku buzima bwuzuye umubabaro n’agahinda cyangwa guhora witotombera Imana.
Mu gihe ibyangombwa byose byakozwe (kwigisha, gusenga, gukiranuka, kugerageza kwiyunga), ariko nta mpinduka, hari ubwo Imana yemerera umuntu kujya mu buzima bushya aho atakomeje kuba imbata y’urushako rurimo ubusambanyi butihana (1 Kor 7:15). Aha niho biba ngombwa ko umugore n’umugabo batandukana.
Urwo rugamba si urwawe gusa—ni urw’Imana. Witwaza ubugingo bwawe. Guma mu rukundo n’Imana, wirinde kuba nyamwigendaho, ariko unirinde kuba inganzwa bitewe n’ urushako. . Imana ishobora byose, kandi n’umugore wawe ashobora gukira.
Niba waciwe inyuma n’uwo mwashakanye, Bibiliya iguha uburenganzira bwo gutandukana, ariko nanone iguha umwanya wo kubabarira. Imana ni iy’imbabazi, kandi iduhamagarira kuba intumwa z’ubwiyunge. Yakobo 2:13 "Kuko utagira imbabazi atazababarirwa mu rubanza, nyamara imbabazi ziruta urubanza zikarwishima hejuru".
Abagalatiya 6:1 "Bene Data, umuntu niyadukwaho n’icyaha, mwebwe ab’Umwuka mugaruze uwo muntu umwuka w’ubugwaneza, ariko umuntu wese yirinde kugira ngo na we adashukwa."
Bibiliya igaragaza ko ubusambanyi ari icyaha kibi cyane. Matayo 19:9 "Ariko ndababwira yuko umuntu wese uzasenda umugore we atamuhora gusambana, akarongora undi azaba asambanye. Kandi ucyura uwasenzwe na we aba asambanye".
Ariko inagaragaza ko "utagira imbabazi atazababarirwa mu rubanza" nk’uko twabonye haruguru. Uzaba ukoze Imana ku mutima - nayo ibyandike ahantu, nuramuka ubabariye uwaguciye inyuma mu gihe aguciriye bugufi akagusaba imbabazi ndetse akakwizeza ko bitazasubira.
