Korale Ukuboko kw’iburyo ni imwe mu makorali akora umurimo w’Imana mu rurembo rwa ADEPR, umujyi wa Kigali, Itorero rya Gatenga, Paroisse Gatenga, umudugudu wa Gatenga.
Korali Ukuboko kw’Iburyo igizwe n’abaririmbyi 124 bo mu ngeri zose. Ikorera umurimo w’Imana hirya no hino mu gihugu ndetse no mu bihugu by’abaturanyi. Yampamaye cyane mu ndirimbo "Ikidendezi" yakunzwe cyane.
Iyi korali yateguye igiterane kidasanzwe cyiswe "BIKORE LIVE CONCERT" kizamara iminsi ine aho kizatangira kuri 20-23 Kamena 2024, akaba ari igiterane kizabera aho iyi korali isanzwe iteranira kuri ADEPR Gatenga.
BIKORE LIVE CONCERT izitabirwa n’abavugabutumwa batandukanye nka Rev.Ndayizeye lsaie, Past. Rudasingwa J . Claude, Past.Tuyishime J.Claude, ndetse na Ev. Manirarora JMV.
Amateka ya Korali Ukuboko kw’iburyo atangira mu 1989 akaba ari bwo batangiye gukora umurimo w’Imana mu cyumba cy’amasengesho cy’umudugudu wa Kimihurura. Icyo gihe iyi korali yari iy’abana. Abenshi muri yo babaga ari abana b’abakozi b’Imana n’abakirisitu ba bugufi.
Mu 1990 ni bwo icyumba cyo kwa Rutamuhana Claude cyaje kwimukira mu Gatenga gihinduka umudugudu wa Gatenga hari muri Komini Kanombe Segiteri ya Gikondo; ubu ni mu mudugudu wa Cyeza mu Kagari ka Nyanza mu Murenge wa Gatenga.
Umudugudu utangiye korali y’abana yahawe abarimu ba Ecodim 11 bo kuyiyobora abakunze kwibukwa cyane ni Kiwanuka George, Pastor Stanislas, Mariette (madame Ex presentant wa ADEPR).
Ukuboko kw’iburyo ni korali ikunda gusenga no kwicisha bugufi, igendera ku ntego bise "Kugumana isezerano ryo gukorera Imana “The vow to serve the Lord”
Umushumba w’itorero rya ADEPR nawe azaba ahari.
