× Home Ministries Choirs Pastors Bible Entertainment Development Health Love Fashion Music

Miss Nishimwe Naomi yatangaje ko uyu mwaka wa 2024 utazashira adakoze ubukwe

Category: Love  »  4 months ago »  Jean d’Amour Habiyakare

Miss Nishimwe Naomi yatangaje ko uyu mwaka wa 2024 utazashira adakoze ubukwe

Nishimwe Naomi wabaye umukobwa uhiga abandi mu marushanwa y’ubwiza n’ubuhanga mu mwaka wa 2020 (Miss Rwanda 2020), nyuma yo kwambikwa impeta na Michael Tesfasy wo muri Etiyopiya, yatangaje igihe bazakorera ubukwe.

Ni mu kiganiro yagiranye n’umunyamakuru wa Radiyo Rwanda, kuri uyu wa 17 Gashyantare 2024. Mu bibazo yagendaga abazwa byerekeye ubuzima bwe bwite n’akazi akora, hiyongereyeho n’iby’urukundo rwe, birangira avuze ko mu Kuboza k’uyu mwaka wa 2024 ari bwo azakora ubukwe.

Yagarutse ku byishimo bikomeye yagize ubwo yambikwaga impeta atabyiteguye, ku itariki ya 1 Mutarama 2024, avuga ko nubwo yari abizi ko azayambara, ariko ko byamutunguye kuyambikwa kuri iyo tariki.

Yagize ati: “Na n’ubu iyo mbibwiye abantu ntibashobora kubyemera, ko na n’ubungubu ntarabyumva. Hari ukuntu umuntu aba atekereza ibintu, akavuga ati ‘kiriya kintu nikimbaho sinzigera nkibagirwa.’ Nge n’uyu munsi sinibuka amagambo yambwiraga (ubwo yamwambikaga impeta), uretse ijambo would you marry me? (wanshyingirwa?) ni ryo nkibuka. Na n’ubu sindabimenyera.”

Avuga ko byamuteye ubwoba bwinshi kubona yambikwa impeta imuteguza kuba umugore wa Michael Tesfay agira ati: “Nge nakekaga ko bishobora kuba nko kuri Christmas (Noheri), Christmas irarenga.”

Mbere yuko uyu musore ugiye kumubera umugabo mu buryo bwemewe n’amategeko amwambika impeta, yabanje kubiganiraho na se wa Nishimwe Naomi. Akibabona yahise atekereza ko bari gupanga ibyo kubana.

Miss Nishimwe Naomi avuga ko mu byo yakundiye Michael Tesfay ari ukuba afite ikinyabupfura, yicisha bugufi, akunda Imana, kandi akaba amukunda.

Yanze kuvuga itariki ya nyayo azakoreraho ubukwe, avuga ukwezi gusa. Ibindi bigendanye n’urukundo rwe ndetse n’ibindi bizagendana no gusezerana kwabo birimo aho ubukwe buzabera, azagenda abitangaza gahoro gahoro.

Yavuze ko nabana na Tesfay bitazaba bisobanuye ko agiye kuva mu Rwanda ngo age gutura muri Etiyopiya, ahubwo azaba ahantu bitewe n’akazi ahafite. Nibiba ngombwa ko umuryango w’umugabo we umusaba gukuzaho inyinya nk’uko Meddy yabigenje, azakora igikwiriye. Muri iki gihugu bivugwa ko kugira inyinya bidakundwa cyane.

Hashize imyaka ibiri bari mu rukundo, none biteguye gukora ubukwe mu Kuboza

Michael Tesfay yamwambitse impeta imuteguza kubana ku wa 1 Mutarama 2024

Tanga igitekerezo kuri iyi nkuru

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.