Korali Umugisha yatangiye mu mwaka 1993, mu cyumba cyari icy’amasengesho kwa Pastor Mugiraneza mu Rugando. Iyi korali ifite abaririmbyi mu bice bitandukanye ariko ababarizwa kuri iri torero ni 60.

Kuri uyu 30 Kemena 2024 ni bwo korali Umugisha yashyize hanze indirimbo nziza cyane bise "Hashimwe Yesu". lyi ndirimbo yaje ikurikira zimwe mu ndirimbo nziza kandi zanakunzwe ari zo "NDI AMAHORO", "URI IRIBA" na "TWARAKOWE".

Korali Umugisha ifite indirimbo 23 z’amashusho zose ziri kuri youtube ndetse na alubumu ebyiri z’amajwi zitwa "Haracyari ibyiringiro" ndetse na "Dufitimana".

Mu kiganiro na Paradise, Umuyobozi ushinzwe itangazamakuru muri iyi korali Umugisha, Eric Maniraguha yagize ati: "Intego ya korali Umugisha ni ukwapamaza ubutubwa bwiza bwa Kristo bukagera ku isi hose. (Arababwira ati: "Mujye mu bihugu byose, mwigishe abaremwe bose ubutumwa bwiza. Uwizera akabatizwa azakizwa, ariko utizera azacirwaho iteka" _Mariko 16:15-16).

Yakomeje agira ati: "Abakunzi bacu turabashimira ko bakomeje kudushyigikira, badusengera ndetse banadutera inkunga mu buryo butandukanye, turabasaba kandi gukomeza gushyigikira umurimo w’Imana kubw’iyo ntego dufite yo kwampamaza ubutubwa bwa Kristo bukagera kure, barusheho gusangiza abandi izi ndirimbo zacu kandi dukomeje kwakira ibitekerezo byabo niba hari ibyo twashyiramo imbaraga n’ibindi twakosora ngo ubutumwa dutanga burusheho kuba bunoze".

Korali Umugisha barakomeje mu ivugabutumwa hirya no hino