× Home Ministries Choirs Pastors Bible Entertainment Development Health Love Fashion Music

Korali Salem yashyize hanze indirimbo isoza umwaka yiswe "Watugiye lmbere" - VIDEO

Category: Choirs  »  4 months ago »  Alice Uwiduhaye

Korali Salem yashyize hanze indirimbo isoza umwaka yiswe "Watugiye lmbere" - VIDEO

Korali Salem igizwe n’abaririmbyi 120, ikaba ikorera umurimo w’Imana ku itorero rya ADEPR Rwikubo mu rurembo rwa Ngoma, aha ni mu karere ka Rwamagana.

Salem Choir ni Korali yatangiye umurimo w’Imana muri 2008. Yabayeho hahujwe Korali 2 harimo "korali Elayo" yari iy’abanyeshuri na "Korali Ibyiringiro" yari iy’urubyiruko.

Kuri ubu iyi korali yashyize hanze igihangano cyo gusoza umwaka wa 2023. Mu kiganiro yagiranye na Paradise, uwahoze ari Umuyobozi w’iyi korali, Nkundiyaremye Jean de Dieu, yagarutse kuri iyi ndirimbo yabo nshya bise "Watugiye imbere".

Yagize ati: "Yego twasohoye indirimbo nshya tariki ya 01.12.2023 twifuje ko iba isoza umwaka, ivuga ngo "Watugiye imbere. Mbese turimo gushima Imana ko yatugiye imbere ahataringaniye iraharinganiza, imisozi iyihindura ibibaya".

"Yadukoreye ibikomeye none turishimye. Iyi ndirimbo ikaba iri kuri Alubumu ya 3 ya Audio, ndetse no kuri Alubumu ya 2 ya Video".

Indirimbo ya mbere y’amajwi (Audio) ya Salem Choir yagiye hanze mu mwaka wa 2012, naho iy’amashusho (Video) ijya hanze mu mwaka wa 2021.

Nkundiyaremye Jean de Dieu yakomeje agira ati: "Intego yacu nka korali Salem ni ukwamamaza ubutumwa bwiza bwa Yesu Kristo, tumenyesha abantu ko hari Umwami w’amahoro uruhura abantu imitwaro yabo".

"Si ibyo gusa kandi korali Salem igira ibindi bikorwa by’urukundo, harimo gusurana, gufashanya hagati yacu ndetse n’abandi batari abaririmbyi".

"Icyo twababwira abadukurikirana bose ni uko nk’uko nabivuze hari Umwami w’amahoro Yesu Kristo, kandi wabaruhura imitwaro yose, cyane ko isi yuzuyemo ibibazo buri wese akeneye uwamwumva kandi akamuruhura kandi uwo Mutabazi utagira ibindi ashingiraho uretse ku mwiringira uwo ntawundi ni Yesu Kristo".

Yasoje agira ati "Icyo nabwira abakunzi bacu ni ikaze baze dufatanye kwamamaza inkuru nziza ya Kristo. Abashaka indirimbo zacu bazisanga kuri Channel ya youtube ya Korali yitwa "Salem choir ADEPR Rwikubo/Rwamagana".

Korali Salem yatanze Noheli n’Ubunani ku bakunzi bayo

RYOHERWA N’INDIRIMBO NSHYA YA SALEM CHOIR

Tanga igitekerezo kuri iyi nkuru

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Ibitekerezo Byatanzwe

Imana ikomeze kubaha umugisha kubagura muburyo bwose turabakunda

Cyanditswe na: Niyonsenga Adelite   »   Kuwa 07/12/2023 10:30

Mbega indirimbo nziza mukomereze aho nukuri mwamamaza ineza y’Umwami turabakunda cyane kdi muradufasha

Cyanditswe na: Musoni Jean Claude  »   Kuwa 07/12/2023 08:33