Ku isabato ishize hari kuya 18/02/2023, ku masaha y’igicamunsi New Life Choir ibarizwa mu itorero ry’Abadivantiste b’Umunsi wa karindwi, Nyamirama SDA, ni mu karere ka Kayonza, yashyize hanze imizingo ibiri y’indirimbo ari zo "Habwimpundu" na "Yaratsinze".
Ubwitabire bw’abakunzi b’iyi korari bwari hejuru kuko bari baje kureba umuhanzi ufite ubumuga bwo kutabona wakirigitaga gitari kurusha n’abafite amaso yombi.
Mu kiganiro na Paradise.rw, Perezida w’yi korali yakoze iki gitaramo, Habanabakize Damien, yagize ati: "Imana yarahabaye kuko abakunzi bacu baritabiriye bihagije badutera n’inkunga ifatika,".
Yakomeje agira ati "Twahacanye umucyo hamwe n’abo twari twatumiye, akarusho ni Epimaque ufite ubumuga bwo kutabona wasusurukije imbaga y’abitabiriye igitaramo".
Yakomeje kutubwira ko bafite intumbero yo kugera ku kigero cya bakuru babo ari bo Vuzimpanda Family choir ndetse "tukaharenga". New Life Choir irateganya kandi gukora izindi ndirimbo z’amashusho mu mpeshyi itaha, ni mu kwezi kwa 7 uyu mwaka.
New Life choir yakoze igitaramo kiryoheye ijisho