× Home Ministries Choirs Pastors Bible Entertainment Development Health Love Fashion Music

Ese koko Vestine na Dorcas bakeneye gukorana n’undi muhanzi? Dore icyo bamwe babivugaho?

Category: Artists  »  2 months ago »  Jean d’Amour Habiyakare

Ese koko Vestine na Dorcas bakeneye gukorana n'undi muhanzi? Dore icyo bamwe babivugaho?

Ku rukuta rwa Instagram, uwitwa Aime Gad yabajije ibibazo kuri Vestine na Dorcas, itsinda ry’abahanzikazi baririmba indirimbo zo kuramya no guhimbaza Imana, barebererwa n’umunyamakuru wa MIE Empire Murindahabi Irene, abandi bamusubiza uko babyumva.

Yabanje kugaruka ku bigwi bya Vestine na Dorcas batangiye kuririmba muri 2020, avuga ko ari bamwe mu bahanzi bakomeye u Rwanda rufite, kuko mu ndirimbo 12 zose bafite, nta nimwe ifite imibare y’inshuro yarebwe kuri YouTube iri munsi ya miriyoni.

Aime Gad yabajije ati: “Ese birakwiriye ko umuhanzi amara imyaka irenga itatu, akora indirimbo zikaba ama hits (zigakundwa), ariko nta gihangano na kimwe arahuriramo n’undi muhanzi mugenzi we, bimwe tumenyereye nka collabo? Ikibazo cya kabiri, ese aba bahanzi byaba byiza bakoze oyi collabo, cyangwa si ngombwa ko iyi collabo yakorwa?”

Dore uko bamusubije:

Uwitwa Jackson Dushimimana, Uhagarariye ikinyamakuru gikomeye mu Rwanda kizwi nka Redbluejd yagize ati: “Collabo si ngombwa mu gihe ntawakugannye, ngo yerekane umushinga wo gukorana collabo na we inyungu uzagiramo.

Igenzurwa n’ikora ry’aba bana ni kinyamwuga, mu buryo bwo gucuruza. Rero, nta kibazo kirimo ku kuba babona ko igihe bakoranye n’undi muhanzi uwo ari we wese nta nyungu byabazanira, bagomba gutegereza uzabagana, ubundi bakamuha amategeko n’amabwiriza, yayubahiriza bagakora.
Rimwe na rimwe n’ubwo abantu tuvuga, ariko abanyamuziki bacu bateye imbere ku buryo buri gikorwa kigomba kugira inyungu bagomba kubonamo.”

Jackson yavuze ku byo ushaka gukorana na Vestine na Dorcas agomba kuba yujuje agira ati: “Kuvuga ko batakorana n’udakora gospel; kuba nawe nibura uri umustar ufite ibigwi runaka; kubishyurira ibisabwa byose mu ndirimbo, ukabaha n’uburenganzira bwo gukoresha icyo gihangano; kuba indirimbo ushaka ko mukorana yanditse neza, kandi yaranditswe n’inzobere.”

Undi witwa Kigali Stars kuri Instagram yasubije agira ati: “Bo ku giti cyabo niba bashobora kuba nta collabo barakenera, cyane ko collabo uyishaka kugira ngo igire itafari ishyira ku izina n’ibikorwa byawe, ntekereza ko kuri bo, igihe cyo gukenera andi maboko kitaragera.

Niba ari nta wundi muhanzi wabegereye ngo bakorane, birumvikana ko collabo itaboneka. Biranashoboka ko wasanga ari wo murongo bihaye wo kutajya mu ma collabo mu gihe runaka, bashaka kubanza kubaka izina ryabo.”

Abandi bo basubije ko bayifuza, wenda bagakorana n’Aline Gahongayire, Israel Mbonyi n’abandi, ariko abenshi ni abasubije ko kubera ko bagira amasomo, gufata amajwi n’amashusho bikaba mu biruhuko, bituma batabasha kubona umwanya uhagije wo gukorana n’abandi. Wowe ubibona ute?

Vestine na Dorcas ntibarakorana indirimbo n’undi muhanzi

Indirimbo 12 zose Vestine na Dorcas bakoze, zarebwe inshuro zirenga miriyoni

Tanga igitekerezo kuri iyi nkuru

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.