Umupasiteri uzwi cyane Tony Evans, Chuck Swindoll hamwe n’uwahoze ari Perezida wa Leta Zunze Ubumwe za Amerika, Donald Trump, bitabiriye umuhango wo kwizihiza ibigwi bya Pasteri Charles Stanley, byabereye mu rusengero rwe yayoboraga rwa First Baptist Church rwo muri Atlanta.
Iyi misa yo kwizihiza ibigwi bya Charles Stanley yabereye mu rusengero rwa Baptist-church of Atlanta, Georgia, aho Stanley yakoraga umurimo w’Imana mu myaka igera kuri mirongo itanu.
Haririmbwe indirimbo zitandukanye ndetse hanerekanwa amashusho y’abantu batandukanye bavuga ku rwibutso bafitanye na Charles Stanley.
Donald Trump wayoboye igihugu cy’igihanganye cya Leta Zunze Ubumwe za Amerika, mu ijambo rye yagize ati: ’’Nzahora nibuka ubuntu bw’akataraboneka bwamurangaga, umutima uciye bugufi yangaragarizaga iyo twahuriraga ahantu hatandukanye’’.
Umupasteri mukuru Antony George yagize ati ’’Nshaka kubagira inama abanyamuziki murimo hano, kubikora neza, kuko bimwe byamuhaga imbaraga mu murimo w’Imana yakoraga harimo imiziki, byamushyigikiraga kuguma ari uwo ariwe’’.
Undi mushumba mukuru wikirangirire Pastor Chuck Swindoll w’umuryango wa Stonebriar, muri Frisco, Texas, nawe yavuze ko nyakwigendera "yatambutsagamo ijambo ry’Imana" mu bushobozi n’ubuntu bwinshi nk’uko tubicyesha Christian Post.
Kuwa kabiri ushize ni bwo Pastor Stanley yitabye Imana ku myaka 90. Stanley yabaye ikimenyabose mu biganiro byacaga kuri television, byashinzwe na Touch ministries umuryango yashinze, anamara imyaka ibiri ari Perezida w’ihuriro ry’Ababaptista muri za 1980.
Ibihumbi by’abantu bitabiriye umuhango wo kwizihiza ubuzima bwa Pastor Stanley
