Umuhanzi Chris Aimé yavukiye i Kigali mu mwaka wa 1993 gusa akurira mu Burasirazuba bw’igihugu cy’u Rwanda mu karere ka Kayonza. Yatangiye umuziki muri 2011 ariko atangira akora indirimbo zisanzwe abenshi bakunze kwita iz’isi.

Nyuma yo gukizwa muri 2017 ni bwo Chris Aimé yatangiye gukora umuziki uhimbaza ukanaramya Imana (Gospel songs). Ku wa 28 Mata ni bwo uyu muramyi yashyize hanze indirimbo yitwa "Nahisemo", akaba ari indirimbo ye ya 8.

Ubwo Chris Aimé yaganiraga na Paradise yagize ati: "Kuririmba nakuze mbikunda ariko nakundaga kwandika cyane ibyo kuririmba nabikujije ntangiye kwiga ’secondaire’. Kuririmba nabikomoye kuri Papa kuko Papa ni umuririmbyi n’umwanditsi w’inndirimbo z’amakorali ariko ntago azwi kuko atigeze asohora indirimbo n’imwe".

Yakomeje agira ati: "Nk’umuhanzi intego ya njye ya 1 ni ukwamamaza ubutumwa bwiza bukagera kuri benshi no kwaguka mu mikorere y’uyu muziki nkakuza impano indirimbo nyifashisha mu gusakaza ubutumwa bwiza".

Ati: "Ku bakunzi ba njye YESU NI WE BUZIMA ni cyo cya mbere nababwira, icya kabiri nababwira ngo bajye kuri YouTube channel yanjye barebe indirimbo yanjye nshya yitwa "Nahisemo".

lndirimbo ya mbere y’uyu muramyi yahereyeho yayise "ISAMBU ITARUMBA". Mu mwaka wa 2022 Gicurasi 21 ni bwo Chris Aimé yazeranye n’umufasha we Mukashema Joselyne bamaranye imyaka ibiri ndetse bakaba bafite umwana w’umuhungu witwa Igeno Mahwi Aimé Gabriel. Uyu muryango ukaba uri kubarizwa i Muhanga mu ntara y’Amajyepfo.

Chris Aimé arakataje mu muziki usingiza Imana