Abaririmbyi bakora umuziki usingiza Imana ari itsinda ry’umugabo n’umugore, bakomeje kwiyongera umunsi ku wundi. Mu bo usanzwe uzi, wengereho Emmas & Salem.
Emmas & Salem ni itsinda rigizwe n’umugabo n’umugore batuye muri Canada, ari bo. Pastor Emmanuel Rwagasore (Emmas) na Salem Rwagasore. Bamaze gukora indirimbo zitandukanye zirimo: Cana Umuriro, Mana yo kwizerwa, Imigambi yawe, Humura, Ndashaka, n’izindi.
Mu bihe bishize bakoranye indirimbo n’abaramyi bakomeye mu muziki wa Gospel, akaba ari indirimbo zeretswe urukundo rwinshi. Muri izo ndirimbo harimo "Nkiriho" bakoranye na Adonis Muco ndetse na "Ushimwe" bakoranye na Nice Ndatabaye.
Mu gihe abakristo b’Isi yose bitegura kwizihiza umunsi mukuru wa Pasika - izuka rya Yesu Kristo, izaba tariki 09 Mata 2023, Emmas & Salem bakoze indirimbo igamije kwifatanya n’abakristo muri uwo munsi uhebuje kuri bo. Ni indirimbo bise "Inkuru Nziza", ikaba "itwibutsa Pasaka" nk’uko Emmas yabitangarije Paradise.rw.
Uyu muhanzi akaba n’umupasitori, yavuze yahimbaj Pasika kuko ko Yesu yatuye imitwaro y’ibyaha bya bose nuko ahindura urupfu ubusa kubizera. Ati "Urupfu ntabwo bikiri igihano ku bizera ahubwo ni irembo ritwinjiza mu buzima by’ibyishimo bidashira. Abamwizera bose, bafite ubugingo buhoraho!".
Emmas & Salem bashyize hanze iyi ndirimbo nyuma y’amezi 7 bari bamaze bacecetse. Emmas yasobanuriye Paradise.rw impamu bamaze umwanya ungana gutyo. Ati "Icyaduteye kumara umwanya ungana uku tutarasohora iyindi ndirimbo, ni ukubera ko twabyaye. Madamu yafashe akaruhuko". Yatubwiye ko bibarutse "umwana w’umuhungu witwa Ián".
Pastor Emmanuel Rwagasore (Emmas) ni Umushumba Mukuru w’Itorero New Jerusalem Ministries rikorera mu gihugu cya Canada mu mujyi wa Edmonton. Tariki 18/10/2020, ni bwo Emmas n’umugore we Salem batangiye gushyira hanze indirimbo bahuriyemo nk’itsinda ry’umugabo n’umugore.
Emmas & Salem binjije abakristo muri Pasika
Pastor Emmanuel Rwagasore ni Umushumba Mukuru w’Itorero New Jerusalem Ministries
Biyemeje kuramya Imana mu ndirimbo binyuze mu itsinda ry’umugabo n’umugore
Emmas & Salem bakorera umurimo w’Imana muri Canada
RYOHERWA N’INDIRIMBO NSHYA "INKURU NZIZA" YA EMMAS & SALEM