Aime Uwimana, umuramyi wiyeguriye gukora umurimo w’Imana, yatumiye abakunzi b’umuziki uramya Imana kuzamuherekeza mu bazitabira igitaramo gikomeye “Easter Jubilee Music Gathering” cya Ben na Chance
“Easter Jubilee Music Gathering” kizaba ku nshuro ya mbere muri BK Arena ku wa 5 Mata 2026, umunsi mukuru wa Pasika, igihe Abakristo bizihiza kuzuka kwa Kristo Yesu n’agaciro k’ugucungurwa kwacu.
Aime Uwimana yagaragaje ko iki ari umwanya w’umunezero n’umugisha, aho abakunzi b’umuziki w’ivugabutumwa bazahurira hamwe bakaririmba, bagahimbaza Yesu, ndetse bakagirana ibihe byiza byo gusabana.
Mu magambo ye yagize ati: “Shalom Shalom. Ni Aime Uwimana. Mbazaniye indi ligne y’umugisha. Ni ku wa 5 Mata 2026 kuri Pasika, umunsi twizihiza kuzuka kwa Kristo Yesu, umunsi twizihiza gucungurwa kwacu kuzuye.
Ben na Chance bati ‘Twanze kubyihererana. Turashaka gutaramana n’abakunzi bacu, turashaka gutaramana n’abakunzi ba Kristo, duhimbaze Kristo tugirane ibihe byiza. ’ Ntuzabure muri BK Arena ku wa 5 Mata 2026.”
Yibukije abantu bose ko amatike amaze gusohoka, bityo nta n’umwe ugomba kubura kuri uyu munsi w’ibyishimo n’ivugabutumwa. Nk’uko yabivuze koko, biroroshye kubona amatike.
Amatike n’uburyo bwo kuyabona
Amatike y’iki gitaramo afite ibiciro bitandukanye, bitewe n’aho umuntu azicara n’igihe azayagurira: Upper Room: 5,000 Frw mbere y’igitaramo, 10,000 Frw ku munsi wacyo
Stage View: 10,000 Frw mbere y’igitaramo, 15,000 Frw ku munsi wacyo; Premium: 20,000 Frw;
Altar Zone: 25,000 Frw; CIP Zone: 35,000 Frw; Executive Zone: 50,000 Frw; Amatike arahari ku rubuga rwa www.ticqet.rw ndetse no kuri 51301*01#.
Mu myiteguro y’iki gitaramo, Ben na Chance basohoye kandi indirimbo nshya y’amashusho “Igikombe Cyanjye” ku wa 5 Werurwe 2026, imwe mu zo bazaririmba bafatanyije n’izindi ndirimbo zakunzwe nka “Zaburi Yanjye”, “Yesu Arakora”, “Amarira”, “Impano y’Ubuzima”, “Mu Nda y’Ingumba”, n’izindi.
Aime Uwimana yashimangiye ko abantu bose batagomba kubura, kuko iki ari igihe cyo guhimbaza Imana, gusabana n’abandi, no kwishimira umugisha wa Pasika. Asoza yagize ati “Amatike na yo yasohotse, rero ntuzabure. Imana iguhe umugisha.”
Iki gitaramo cya Ben na Chance muri BK Arena kizaba igihe cy’akataraboneka ku bakunzi b’umuziki uvuga Imana. Bakunzi b’umuziki w’iyobokamana, ntimuzabure ku wa 5 Mata 2026, ni Pasika, ni umunsi w’umugisha!
Wagura itike yo muri iki gitaramo uhereye ubu!
