Umusaza witwa Somesh Kumar, wo mu gace ka Uttar Pradesh mu Buhinde, yari amaze imyaka myinshi arwaye indwara y’umutwe itaramenyekanye neza, akira mu buryo butangaje.
Yagerageje abaganga benshi, abaganga gakondo n’abasenga mu buryo bwa gakondo y’idini ya Hindu, ariko nta numwe wamukijije. Avuga ko yigeze no gukoresha imiti ya kijyambere, ariko igasiga ibindi bibazo ku mubiri.
Mu gihe yari yacitse intege, umuturanyi we w’Umukirisitu yamusabye kuza mu giterane cy’amasengesho. Yabanje kwanga, ariko agezeyo ngo yumvise bamusengeye bamusabira kubohoka, hanyuma asubira iwabo ameze neza ku munsi wakurikiyeho. Somesh avuga ati: “Narabyutse numva umutwe wakize, ntekereza ko byabaye nk’impanuka, ariko byabaye intangiriro y’urugendo rwanjye rushya.”
Nyuma y’icyo gikorwa, Somesh Kumar yahisemo kureka idini ya Hindu, abatizwa mu buryo bwa gikirisitu, kandi ubu avuga ubutumwa ku mugaragaro, nubwo ahura n’akarengane kenshi. Yagize ati: “Yesu yanyeretse ko gukira ku mubiri ari intangiriro yo gukira ku mutima. Ubu mfite amahoro menshi kuruta ayo nigeze kugira mu buzima bwanjye bwose.”
