Kuri uyu wa mbere mu karere ka Nyaruguru mu murenge wa Busanze niho bateguye gusoreza iki gikorwa k’intangarugero cyari kimaze iminsi kihabera.

Ni umunsi wagaragayeho abayobozi bakomeye cyane umushumba mukuru wa ADEPR mu Rwanda, Mayor wa karere ka Nyaruguru, intumwa ya MINUBUMWE, umuyobozi w’ururembo rwa Nyabisindu na Huye, abamisiyoneri 2 baturutse mu gihugu cya Suede n’abandi.

Ni igikorwa cyatangarijwemo ko ADEPR mu Rwanda yatangijwe n’abanyasuwede ndetse hagaragaye n’abapasiteri bo mu rurembo rwa Huye.
Hari Umuyobozi wa RlB, Umuyobozi w’ingabo n’uwa polisi ku rwego rw’akarere ndetse na Korali lriba.

lki gikorwa cyari gifite insanganyamatsiko igira iti "Ubumwe bwacu ishingiro ry’ubudaheranwa", iki gikorwa kibanze ku kurebera hamwe intambwe imaze kugerwaho ndetse no kureba inzitizi zaba zigihari.

MINUBUMWE yatanze abakangurambaga ifatanije n’urwego rwa ADEPR mu gutanga amahugurwa y’isanamitima ndetse n’ubwiyunge, haje guhugurwa abagera kuri 272.

Aha hagaragayemo ibyiciro dusangamo icyiciro cy’abasabye imbabazi ku bw’uruhare bagize muri Jenoside yakorewe Abatutsi, abatanze imbabazi, ndetse n’ababyariye iwabo batinyutse bagasaba imbabazi imbere y’lmana n’igihugu.

Umushumba Mukuru wa ADEPR Rev.lsae Ndayizeye mu ijambo rye yagize ati: "Turashimira lmana yakoresheje inkotanyi bagahagarika Jenoside ndetse turashimira lmana yaduhaye ubuyobozi bwiza:

Ndetse nkatwe ADEPR twashizeho ibikorwa byo gufasha iki gikorwa cy’urugendo rw’isanamitima n’ubudaheranwa. Hashyizweho abafashamyumvire mu Rwanda hose 243 bafasha abantu bakabasura mu ngo ndetse bafashijwe n’abashumba babo."

Hateguwe kandi n’amarushanwa y’umupira ni bwo baje guhemba ikipe y’umurenge wa Kibeho nk’ikipe ya mbere ihabwa igikombe n’ibahasha y’amafaranga. Ikipe ya kabiri yabaye umurenge wa Munini ikaba yahawe ibihumbi 150.

Haje no gutangwa inka 7 ku matsinda yahuguriwe isanamitima ndetse Ubumwe n’ubudaheranwa.