Aya marushanwa ahuza abahanzi batandukanye bo ku mugabane wa Afurika, hagamijwe guteza imbere impano nshya no gushimira abahize abandi mu muziki.

Amatora yamaze gutangira, aho abakunzi babo n’abandi bose bashyigikiye umuziki wa Gospel bashishikarizwa kubashyigikira babatora ku rubuga rwa ssaward.com. Kugira ngo umuntu abashe gutora, asabwa kubanza gufungura konti kuri urwo rubuga.

Uko gutora bikorwa: Iyo ufite konti kuri ssaward.com, wemererwa gutora rimwe ku munsi ku buntu; Ufite kandi amahirwe yo gutora inshuro nyinshi mu gihe uhisemo gutora wishyuye, bikagufasha gushyigikira abo ushyigikiye ku rugero runini.

Kugira ngo uhabwe konti ku rubuga ruri kubera amatora, ufungura urwo rubuga ari rwo www.ssaward.com, ugakanda kuri Register, ugashyiramo Email yawe usanzwe ukoresha, na Password nshya, na telefone (+2507….) ukemeza. Uhita wemererwa gutora ku buntu. Kandi uba wemerewe gutora ku buntu buri munsi [ijwi rimwe].

Hari uburyo bundi bwo gutoresha amafaranga, aho ugura Tokens cyangwa Packs [tokens 25 zigura amadorali 7.5 ni ukuvuga 10,938 Frw, Tokens 50 zigura amadorali 15 ni ukuvuga 21,876 Frw]. Buno buryo bw’amafaranga, butuma ubasha gutora amajwi menshi ku munsi.

Abategura iri rushanwa batangaje ko ibirori byo gutanga ibihembo bizaba tariki ya 7 Werurwe 2026, bikazabera i Kigali mu Rwanda. Biteganyijwe ko bizaba ari ibirori by’imbonekarimwe, bizahuza abahanzi, abakunzi b’umuziki n’abafatanyabikorwa batandukanye.

Alicia na Germaine bakomeje kwerekana impano idasanzwe mu muziki wa Gospel, bakaba basaba abakunzi babo kubashyigikira muri aya matora kugira ngo baheshe ishema u Rwanda no guteza imbere umuziki wo kuramya no guhimbaza Imana ku rwego mpuzamahanga.

Niba warakunze indirimbo zabo nka Rugaba, Ibendera, Uriyo, Urufatiro n’izindi, ukaba ufitiye amatsiko n’izo bafite mu bubiko, birumvikana ko nawe wifuza kubatora. Usabwa kwihutira gufungura konti no gutora buri munsi, mu rwego rwo kongera amahirwe yabo yo kwegukana iki gihembo gikomeye.

Reba indirimbo yabo nshya kuri YouTube, Ibendera