Mu nkuru dukesha Rebecca Marlow, ubushakashatsi bushya bwakozwe na Barna Group bwerekana ko ingimbi z’Abongereza ziyeguriye Yesu mu gihe umubare munini wabo bashishikajwe no kwigira ubukristo.
Barna’s Open Generation Global bakoze ubushakashatsi ku rubyiruko 1.000 rwo mu Bwongereza bafite imyaka 13 kugeza kuri 17, basanga bafite ibyiza kuruta imyumvire mibi ku bijyanye n’ubukristu.
Kimwe cya gatatu (34%) by’ingimbi zo mu Bwongereza bavuze ko Yesu atanga ibyiringiro kandi yita ku bantu. Kurenga kimwe cya kane bavuze ko ari umwizerwa (24%) kandi akaba umunyembabazi (23%). Kurenga kimwe cya gatatu (37%) bafite urwego runaka rwo gushishikarira kwiga byinshi kubyanditswe bya gikristo, mugihe hafi kimwe cya kabiri (43%) bemeza ko Yesu yabambwe.
Ubushakashatsi bwagaragaje kandi ko kimwe cya kabiri cy’ingimbi z’Abongereza "zishingiye ku butabera" (54%), ariko bakaba badafite icyizere n’ubwitange bwo gukora. Mu bagaragaje ko ari abakristu biyemeje, 52% bavuze ko bitaye cyane ku karengane ariko ko batazi neza Itorero n’uruhare rw’abayobozi baryo mu butabera.
Nubwo imyumvire myiza kuri Yesu, 13% bonyine bemeza ko Yesu agikora kwisi muri iki gihe
Umuyobozi mukuru wa Barna Group, David Kinnaman yagize ati: "Amakuru ari muri iyi raporo agaragaza ko ingimbi zo mu Bwongereza ziri mu bihe bikomeye kandi bibi, Birashimishije kubona babohokeye Yesu, bagaragaza ko bashishikajwe no kwiga byinshi kuri Bibiliya, kandi bashishikajwe no gukemura akarengane ku isi.
Ariko twabonye kandi imbogamizi, zirimo ingimbi z’Abongereza zitizera ko zifite ubushobozi bwo guhitamo neza, ndetse no kutamenya neza uruhare rw’itorero rya gikristo mu gukemura akarengane.
Yongeraho ati "Intego yacu muri ubu bushakashatsi ni ugufasha amatorero n’abayobozi b’Abakristo mu Bwongereza kwiyemeza, guhindura abantu abigishwa, no gushyigikira uruhererekane rw’abantu bazi neza Imana, kandi barwanya akarengane."
Ubushakashatsi bwakozwe ku bufatanye na World Vision, Alpha UK na Biblica. Phil Simpson, Umuyobozi ushinzwe iterambere ry’urubyiruko muri Alpha UK, yavuze ko imbogamizi ku matorero yo mu Bwongereza ndetse n’abasabana n’urubyiruko "ari uko ibyo bitekerezo ahanini byashize intera nini yuko bareba ibintu".
"Hafi ya kimwe cya kabiri cy’ingimbi zo mu Bwongereza bemeza ko Yesu yari umuntu wabambwe, icyakora hari umubare muto ugereranyije bemeza ko Yesu agikora ku isi muri iki gihe, kandi imyumvire y’ibi ku rubyiruko rusanzwe rwo mu Bwongereza iri munsi yuko abandi babibona bihabanye".
"Itorero rikeneye kubafasha gutangira kubona Yesu nk’umuntu muzima, umuntu mushobora guhura mu isi ya 2023."
