Mu karere ka Rubavu ikiri kuvugwa cyane ni Igitaramo cyiswe Evening of Testimony (Complete change) cyateguwe n’Umuramyi mu njyana ya Rap, Oso Kaslim.
Imyiteguro y’iki gitaramo irarimbanyije nk’uko twabitangarijwe na bamwe mu itsinda ritegura iki gitaramo ndetse bahamya ko ari igitaramo kizaryohera urubyiruko rwa Rubavu ruzabasha kucyitabira
Oso Kaslim yabwiye Paradise ko iki gitaramo kizaba umwanya mwiza wo gusubiza amaso inyuma no kwibuka aho Imana yamuvanye.
Yagize ati" Nanjye bizambera umwanya mwiza wo gusubiza amaso inyuma nkareba aho Imana yamvanye ndetse bizampa imbaraga zo kureba aho ndi n’icyerekezo cyanjye cy’ejo hazaza".
Yakomeje agira ati "Nzaganirira urubyiruko uburyo Imana yamvanye kure ndetse ikandemera ubuhamya bukomeye ari nayo mpamvu nyiririmbira".
Muri uyu mugoroba hazabamo abahanzi batandukanye ndetse n’amatsinda yo kuramya no guhimbaza Imana yo mu mujyi wa Rubavu.
Abankunzi ba Oso Kaslim bazagira umwanya wo kumva indirimbo ze n’abo yatumiye.
Oso Kaslim yagize inzozi zo gukora umuziki mu rwego rwo kuvuga ubutumwa no guhindura urubyiruko akoresheje ubuhamya bwe mu ndirimbo.
Iki gitarmo cye giteganyijwe kuba ku cyumweru kuwa 31/03/2024 kikabera ku cyicaro cy’itorero Soam Evangelical Center kuva saa Kumi z’umugoroba (4PM).
Agashya ni uko n’abari kure ya Rubavu bazaba bakurikirana iki gitaramo kuri Youtube Live streamming ya Oso Kaslim.
Umuraperi Oso Kaslim yateguye igitaramo gikomeye
Mu Karere ka Rubavu hagiye kubera igitaramo gikomeye
Igitaramo twese turagitegereje knd tuzaba duhari!!Imana ikomeze ibane n’abarimo kugitegura knd ibashyigikire,umuhati wanyu ntabwo Ari uw’ubusa ku Mwami,Courage oso!!korera Imana ukiriho ugihumeka wuka w’abazima.