Nyuma y’ uko True Promises imaze kuva mu gitaramo cya Redemption Live Concert yatumiwemo na Jado Sinza ndetse ikanabimburira abandi bose kuri Stage mu ndirimbo zabo zakunzwe cyane nka "Uhoraho", "Ni byiza gukorera lmana" kuri ubu bongeye gukora mu nganzo.

Kuri uyu wa 28 Werurwe 2024 bagarutse mu gihangano cyiswe "Nirihe Shyanga". Ni indirimbo nziza ikoze ku buryo bunogeye amatwi ndetse mu masaha make imaze gukundwa n’abatari bake. Aba baramyi True Promises bamaze gukora ku buryo bugaragara mu gihe gito imaze dore ko ifite Album 4 ziri hanze ndetse n’indi imwe iri muri Studio.

True Promises yatangiye mu mwaka wa 2019, kuva icyo gihe kugeza ubu ifite amashami 5 (Kigali, Nairobi, Bujumbura, United States, United Kingdom), ikaba ifite abanyamuryango bagera kuri 298 ku isi hose.

Umuyobozi wa True Mandela Ndahiriwe aherutse kubwira Paradise ko True Promises ifite intego yo kubwiriza ubutumwa bwiza bwa Yesu Kristo binyuze mu kuramya Imana mu kuri no mu mwuka, kwigisha Ijambo ry’Imana ry’Ukuri ndetse no gusenga ubudasiba".

Yakomeje agira ati: "Dukomeje kubwiriza abantu ndetse no guhimbaza Imana mu ndirimbo z’agakiza ndetse no gutoza abantu gusenga Imana.

Kubera ubuhanga impano n’lmana biba muri aba baririmbyi iyo indirimbo yabo ije isamirwa mu bicu ndetse igahembura imitima ya benshi. Ni muri urwo rwego iyi korali ifite indirimbo nyinshi yagiye zikundwa nka Watubereye ibyiringiro, Ni byiza gukorera lmana, lgicaniro, Mbona ljuru n’izindi.

Kuri uyu 29 Werurwe 2024 True Promises yahuriyee n’andi matsinda akomeye muri iki gihugu nka Alarm Ministry, Gisubizo Ministry, lnjili bora, n’izindi mu gitaramo cyateguwe na Calvary Worship Team. Ni igitaramo gisozwa saa mbiri z’ijoro.