Uyu Munsi Mpuzamahanga w’Ababyeyi b’Abagore uba buri mwaka, mu Cyumweru cya kabiri cy’ukwezi kwa Gatanu. Muri uyu mwaka wabaye ku itariki 12 Gicurasi 2024, Meddy n’umuryango we bakaba ari bamwe mu bagaragaje ko uyu munsi ari ingenzi, dore ko umugore we Mimi yibarutse umwana w’umukobwa, bityo akaba abarirwa mu babyeyi b’abagore bari ku isi.

Meddy yagize ati: “Umugore wange nkunda kurusha byose, warakoze guhindura urugo inzu yacu! Warakoze kumbera umugore mwiza ushimishije, no kumbera inshuti nziza! Warakoze kumbera umubyeyi mwiza w’igikomangomakazi cyange gito.”

Yakomeje agira ati: “Uri umucungamutungo mwiza, ngushimira ko rimwe na rimwe umara igihe kinini utwitaho, ibirenze ibyo byose, warakoze kuba umugore Imana yishimira. Ngukunda uruzira iherezo mwamikazi wange Mimi.”

Umugore we Mimi na we ntiyazuyaje, yahise asubiza umugabo we Meddy mu magambo yuje urukundo rwinshi, na we amwita umwami we. Yagize ati: “Ndagukunda mwami wange. Mfite byinshi bintera gushima, ariko ikiruta ibindi byose, ngushimira ko ukomeza kumfasha guhanga amaso ku bintu by’ingenzi.”

Umwana w’aba bombi yitwa Myla Ngabo. Yavutse ku wa Werurwe 2022, avukira muri Leta Zunze Ubumwe z’Amerika aho Meddy n’umugore we Mimi batuye kugeza ubu, akaba yaravutse nyuma y’amezi icyenda bakoze ubukwe, dore ko basezeranye muri Gicurasi 2021.
Ibirori by’ubukwe bwabo byabereye muri Dallas muri Leta Zunze Ubumwe za Amerika ku wa Gatandatu tariki 22 Gicurasi 2021.

Meddy ni umuhanzi mu ndirimbo zo kuramya no guhimbaza Imana uri mu bakunzwe mu Rwanda, akaba azwi mu ndirimbo zirimo Grateful, Niyo Ndirimbo yakoranye na Adrien Misigaro ari na yo aheruka gushyira hanze, n’izindi yakoze mbere yo kwiyemeza bidasubirwaho kuririmbira Imana zirimo Holy Spirt, Ungirira Ubuntu, Nta cyo Nzaba yakoranye na Adrien Misigaro, n’izindi.

Umwana wabo yitwa Myla

Mimi avuka muri Etiyopiya

Babwiranye amagambo yuje urukundo ku munsi w’Abamama