Kuri uyu wa Kane ni bwo Intara y’Amajyaruguru yahawe umuyobozi mushya.
Ku mugoroba w’uyu wa Kane tarik 10 Kanama 2023, Ibiro bya Minisitiri w’intebe byasohoye Itangazo ryanditswe na Minisitiri w’Intebe Dr Edouard Ngirente mu izina rya Perezida Kagame, rivuga ko Maurice Mugabowagahunde yagizwe Guverineri mushya w’intara y’Amajyaruguru.
Nyirarugero Dancille wari usanzwe ari Guverineri w’Intara y’Amajyaruguru, yagizwe Komiseri muri Komisiyo y’igihugu yo gusezerera no gusubiza mu buzima busanzwe abari abasirikare.
Dr Patrice Mugenzi yagizwe umuyobozi w’ikigo gishinzwe amakoperative mu Rwanda asimbura Madamu Pacifique Mugwaneza wari umuyobozi w’iki kigo by’agateganyo.
Inkuru ducyesha Kigali Today, ivuga ko Mugabowagahunde Maurice wagizwe Guverineri w’Intara y’Amajyaruguru, yari asanzwe ashinzwe ubushakashatsi muri MINUBUMWE.
Maurice Mugabowagahunde yagizwe Guverineri w’Intara y’Amajyaruguru
Itangazo ryavuye mu Biro bya Minisitiri w’Intebe
