Korali Evangelique ikorera umurimo w’lmana muri ADEPR Tumba ururembo rwa Huye mu ntara y’amajyepfo, yateguye igiterane gikomeye yise "Evangelical Week".
Korali Evangelique yateguye icyumweru kidasanzwe cy’ivugabutumwa mu rwego rwo kuzana abantu kuri Yesu aho batangiye ku wa 25 kugeza kuri 30 Kamena 2024. Ni igiterane gifite intego igira iti: "Umuntu wese iyo ari muri Kristo aba ari icyaremwe gishya, ibya kera biba bishize. Dore byose biba bihindutse bishya". (2 Abakorinto :5:17).
Ni igiterane kirimo abavugabutumwa batandukanye nka Rev. M. Etienne, Rev. Charles, Ev. Desire ndetse kuri uyu wa gatandatu kitabiriwe na Korali y’abashyitsi lriba yo kuri ADEPR Taba.
Guhera ku wa 27-28 Kamena iki giterane cyaberaga kuri ADEPR Tumba, 29 Kamena haba amavuna yabereye mu kigarama ndetse n’umunsi wo ku cyumweru aho haraba hari korali zose zo kuri iri torero rya Tumba.
Kuri iki cyumweru amavuna azahera saa saba ageze saa moya z’ijoro. Muri iki cyumweru korali Evangelique yakozemo ivugabutumwa ndetse n’izindi bikorwa bitandukanye.
Chorale Evangelique Cyarwa (CEC) yavutse mu mwaka 1989, yitwa Korali Cyarwa. Abatangije iyi Korali ni bamwe mu bahoze ari abaririmbyi mu Matyazo, bimukiye i Cyarwa ubwo hacyurwaga umudugudu wa Cyarwa. Yatangiye iyobowe na Past. KANANURA Mathias wabaye Umubwirizabutumwa (Mwalimu) wa mbere w’umudugudu wa Cyarwa.
Amateka ya korali Evangelique ahera Muri 1997 nibwo Korali Cyarwa yahinduye izina yitwa Chorale Evangelique Cyarwa (CEC), ubwo yari imaze guhabwa ubutumwa n’Imana bwo kubwiriza amahanga yose Ubutumwa Bwiza.
Mu kiganiro na Paradise, Umuyobozi w’iyi korali Hanyurwimfura lnnocent yagize ati: "Nk’uko tumaze kubivuga haruguru, Chorale Evangelique Cyarwa, duhereye ku izina ryayo, ni Korali y’Ivugabutumwa. Yahawe n’Imana inshingano zo kuvuga ubutumwa mu Rwanda ndetse no hanze yarwo ibinyujije mu bantu yagiye ituma.
Nk’uko Ijambo ry’Imana Umwami Yesu yasigiye intumwa ze rigira riti : « Nuko mugende muhindure abantu bo mu mahanga yose abigishwa, mubabatiza mu izina rya Data wa twese, n’Umwana n’Umwuka Wera, mubigisha kwitondera ibyo nababwiye byose. Kandi dore ndikumwe namwe iminsi yose kugeza ku mperuka y’isi », (Matayo 28, 19-20).
Nyuma ya Genocide yabaye Chorale ya mbere yagize uruhare rukomeye mu kuzenguruka igihugu ivuga ubutumwa bwiza hamwe na hamwe nko mu majyaruguru y’igihuga twajyaga mu ivugabutumwa duherekejwe na Police y’Igihugu bitewe n’umutekano utari wifashe neza
Yakomeje agira ati: "Twakoze ivugabutumwa no hanze y’igihugu Ex Zaire RDC kandi iyi korali yagiye ivamo abakozi b’Imana benshi (Abashumba, Abarimu)".
Dufite indirimbo zigera kuri 325 muri rusange ndetse tukaba tumaze gukora Audio 7, alubumu 3 harimo (Guhera mugitondo, Witinya, Nimusohoke Mumusanganire) tukaba turi kwitegura gukora iya 4 mu mpera za 2024, kugeza uyu munsi dufite abaririmbyi 78.
Ati "Kandi tugira n’ibikorwa bindi byo gufasha abatishoboye kuko ubu turi kubakira Umukecuru ufite inzu yenda kumugwaho tukaba twaratangiye turifuza ko tuzarangiza kuyubaka muri kwa 7.
Korali Evangelique yateguye icyumweru kidasanzwe cyo kwegereza abantu kuri Kristo ndetse no guhembura abari baguye umwuma
Kuri uyu wa 29 Kamena korali lriba yifatanije na Evangelique mu ivugabutumwa
