Byose byatangiye ku wa Gatandatu mu gitondo ubwo Hamas, umutwe w’iterabwoba wa kisilamu ufite icyicaro mu karere ka Gaza, warashe ibisasu bya roketi ibihumbi muri Isiraheli kandi byinjira ku mupaka wa Isiraheli hafi ya Gaza.

Kuva icyo gihe, abayobozi ba Isiraheli bavuga ko abaturage n’abasirikare barenga 900 bapfuye, hamwe n’abasaga 2100 bakomeretse. Abayobozi ba Palesitine bavuga ko Abanyapalestine barenga 500 na bo bishwe.

Umuvugizi wa ambasade ya Isiraheli i Londres, yavuze ko Abisiraheli basabwe "kwitegura kumara iminsi itatu mu birindiro by’ibisasu (mu byumba bifite umutekano). Abaturage barasabwa guhunika ibiryo, amazi, amatara n’ibindi bikoresho bikoreshwa nka batiri mu gihe amashanyarazi yabuze.

Hamas, yihanangirije Isiraheli ko igisasu icyo ari cyo cyose cyatewe i Gaza nta nteguza mbere kizaviramo kwicwa kwa Isiraheli.

Mu mashusho y’amajwi yavuzwe na AP, Abu Obeida, umuvugizi wa Brigade ya Qassam, yavuze ko iterabwoba ryo kwica rije mu rwego rwo gusubiza in Yuma ibitero by’indege bya Isiraheli.

AP yatangaje ko Minisitiri w’ububanyi n’amahanga wa Isiraheli, Eli Cohen, yasohoye itangazo rya videwo ku wa mbere aburira Hamas kwirinda kugirira nabi Isiraheli. Bikekwa ko Abanyamerika bari mu bafashwe bugwate n’umutwe w’iterabwoba.

Mu itangazo ryashyizwe ahagaragara na White House ku gicamunsi cyo kuri uyu wa mbere, Perezida Joe Biden yatangaje ko umubare w’abapfuye b’abanyamerika bishwe wageze ku 11 maze agira ati: "Birashoboka ko Abanyamerika bashobora kuba mu bafunzwe na Hamas".

Netanyahu yabwiye igihugu cye ko batangiye kurwanya Hamas. Ati: "Ibyo tuzakorera abanzi bacu mu minsi iri imbere bizasubirana nabo ibisekuruza.

Isiraheli ifite uburenganzira bwo kwirwanaho kuri iki gitero simusiga cyagabwe n’umutwe w’iterabwoba ushyigikiwe na Irani. Isi igomba kumenya ko Isiraheli idushyigikiye byimazeyo mu kurwanya iterabwoba” Ibi bikaba byavuzwe na Senateri James Lankford.

Source: Christian Post