Umupadiri w’umugatolika w’imyaka 40, wahuye n’ikirego cy’abapolisi ku mbuga nkoranyambaga yamagana ihohoterwa rikorerwa imiryango y’abakirisitu mu ntara y’amajyaruguru y’u Buhinde, muri Leta ya Manipur, basanze yapfuye kandi bikekwa ko yapfuye yiyahuye.
Diyosezi ya Sagar yo muri leta ya Madhya Pradesh rwagati, yatangaje ko Anil Francis yabonywe amanitse ku giti ku wa Kane ushize. Amakuru avuga ko nyakwigendera yasize inyandiko yo kwiyahura isaba ko umurambo we watwikwa.
Umupadiri wa Diyosezi ya Sagar yatangaje ko igihe yaburaga, hakozwe ubushakashatsi, basanga umurambo umanitse ku giti.
Uyu mupadiri washyizweho mu 2013, yari aherutse gushyira amashusho ku mbuga nkoranyambaga agaragaza ibibazo by’abagore babiri bo muri Manipur bari bambaye ubusa, kandi umwe muri bo yasambanijwe ku gahato.
Inyandiko ye yerekanaga ku ihohoterwa rikomeje kubera muri Manipur, aho abantu barenga 200 (abenshi muri bo bakomoka mu bwoko bwiganjemo abakirisitu) bishwe kandi amatorero agera kuri 400 yarasenyutse mu mezi ane ashize.
Francis yari azwiho kwitangira umurimo n’indangagaciro. Yahindukiriye idini Gatolika kandi yabaye umuyobozi w’ishuri ribanza riyobowe na kiliziya mu karere ka Sagar, aho umuryango we w’Abahindu utuye.
Muri Madhya Pradesh, abakirisitu bahuye n’ibitotezo kuva hashyirwaho itegeko rirwanya guhinduka mu 2021.
Diyosezi yavuze ko Francis yari ahangayikishijwe n’ikirego cya polisi cyamureze ku rubuga rwe rwa interineti ku ihohoterwa rya Manipur. Polisi ntabwo yemeje ko ikirego cy’inshinjabyaha kirega Francis ari cyo cyamuteye urupfu kuko icyateye Francis kwiyahura ntikiramenyekana.
Athikalam yongeyeho ko nyuma y’urupfu rwe, hakozwe isengesho ryo kumusabira mbere yuko umurambo we ushyikirizwa bene wabo kugira ngo bawutwike, nk’uko yabyifuzaga.
Padiri Anil Francis yasize asabye ko umurambo we wazatwikwa
