Mu butumwa yashyize ku mbuga nkoranyambaga, Davido yagize ati: “The only way to do great work is to love what you do…” (Inzira yonyine yo gukora ibintu bikomeye ni ugukunda ibyo ukora.)

Yakomeje avuga ko n’ubwo hari ubwo habaho ibitangaza, umuntu agomba gukora cyane. Ati: “Miracles sometimes occur, but one has to work terribly hard for them.”
(Hari ubwo ibitangaza bibaho, ariko bisaba gukora cyane kugira ngo ubigereho.)

Yakomeje ashimira Imana yabanye na we i Toronto, aho yagize ati: “God I am GRATEFUL!! TORONTO I WILL NEVER FORGET LAST NIGHT!!” (Mana, ndagushimira! Toronto sinzibagirwa ijoro ry’ejo hashize.)

Davido yagaragaje ko yemera ko Imana yanditse buri rupapuro rw’ubuzima bwe, ariko anavuga ko bidakwiye ko umuntu ahagararira ku rupapuro rumwe gusa. Ati: “God has already written every page of your life but don’t get stuck on one page!!!” (Imana yandikiye umuntu buri rupapuro rw’ubuzima bwe, ariko ntukagume ku rupapuro rumwe gusa.)

Yashoje agira ati: “Dreams don’t work unless you do.” (Inzozi ntizigerwaho mu gihe utakoze.)

Davido, n’ubwo azwi cyane nk’umuhanzi w’indirimbo z’urukundo, ubuzima, no kwidagadura, hari indirimbo ze zagaragaje ugushimira Imana, cyangwa se zikomoza ku kwizera n’ukwemera. Dore zimwe muri zo:

1. "Over Dem"
I over dem all, and I thank God
(Narabarushije bose, kandi nshimira Imana)

Iyi ndirimbo iri ku album ye ya "Timeless", ni imwe mu zigaragaza ishimwe rikomeye ku Mana nyuma y’ibigeragezo yanyuzemo, birimo n’urupfu rw’umwana we w’imfura. Agaruka ku buryo Imana yamurwaniriye n’uburyo imbaraga zayo zamugejeje kure.

2. "Feel"
Nubwo iyi ndirimbo atari iya gikirisitu, igira amagambo amwe agaragaza kwiyambaza Imana nko mu gihe cy’umubabaro n’ihungabana. Igaragaza umuntu wumva adatuje mu mutima, yifuza amahoro – bishobora gufatwa nk’igisobanuro cy’umwuka w’umuntu ukeneye ubufasha bwo mu rwego rw’iyobokamana.

3. "1 Milli"
Nubwo iyi ndirimbo ari iy’urukundo, harimo amagambo agira ati:
Na God go punish whoever say I no go love you
(Imana izahana uwo ari we wese uvuga ko ntakomeza kugukunda)
Aha yifashishije Imana mu buryo bwo kugaragaza ubushake bwe bwo kwiyemeza.

4. "Assurance" (Live Performances)
Mu bitaramo bitandukanye, Davido ajya ashimira Imana cyane mbere yo gutangira kuririmba iyi ndirimbo. N’ubwo ubusanzwe ari iy’urukundo, kuyitangira aravuga ati “I thank God for life” cyangwa “All glory to God” byerekana ko ahora yibuka aho imbaraga ze zituruka.

5. "Aye" (mu buryo ayivugaho)
Mu kiganiro yagiranye n’abanyamakuru, Davido yavuze ko iyi ndirimbo “Aye” igaruka ku rukundo rudashingiye ku bintu, ati “That’s how God loves us too – without conditions.”

Davido si umuririmbyi wa gospel, ariko nk’umuntu ukunda kuvuga ku Mana mu buryo bwo gushimira, amagambo amwe yo mu ndirimbo ze akomoza ku kwemera, uburinzi n’imbabazi z’Imana. Hari n’ubwo abanza gusenga mbere yo gutangira ibitaramo, nk’uko yabikoze i Toronto aho yavuze ati: “God I am grateful.”

Ibi byose yabivuze yifashishije amagambo yuzuye ukwizera, arangiza avuga ko ashimira Imana kandi ko ibikorwa byose abikesha imbaraga zayo n’urukundo akunda ibyo akora.

Yabivuze nyuma yo kubona imbaga y’abitabiriye igitaramo yakoreye i Toronto