Nyuma y’imyaka 7 yari amaze atagaragara mu bikorwa by’umuziki ndetse n’itangazamakuru, Nzaramba Godfrey yagarutse ahita ashyira hanze indirimbo nshya yitwa "Turi aba Yesu" yasohotse mu buryo bw’amajwi. Ni indirimbo yatunganyijwe na Producer Eric Rukundo muri Capital Records.

Nzaramba yabwiye Paradise.rw ko afite iminshinga myinshi yiteguye kugeza ku bakunzi b’umuziki usingiza Imana. Muri iyo mishinga harimo gukora indirimbo nyinshi ndetse by’akarusho arateganya kuririmba mu Cyongereza kugira ngo ubutumwa bwiza bugera mu mahanga menshi.

Ati "Uyu mwaka mfite imishinga myinshi ijyanye no kubaka talent yanjye yo kubwiriza ubutumwa bwiza binyuze mu ndirimbo zihimbaza Imana aho nteganya gukora izindi indirimbo mu ndimi z’amahanga nk’Icyongereza kugira ngo ubutumwa tuvuga bukwire hose ku isi".

Nk’umuntu wahoze ari umunyamakuru kuri RC Nyagatare mu biganiro by’abahanzi n’abapasiteri, yavuze ko Gospel y’uyu munsi itandukanye cyane n’iya kera mu myaka 7 ishize. Mu byo yishimira cyane ni uko abaramyi bari gutungwa n’umuziki, mu gihe kera bitabagaho.

Aragira ati "Gospel y’uyu munsi imeze neza yateye imbere ugereranyije na cyera ku buryo bamwe mu bahanzi hano iwacu bakora Gospel music batunzwe n’impano zabo. Ibi tugomba kubishimira igihugu cyacu kuko gifite Good Leadership [ Ubuyobozi bwiza]".

RYOHERWA N’INDIRIMBO "TURI ABA YESU" YA GODFREY NZARAMBA