× Home Ministries Choirs Pastors Bible Entertainment Development Health Love Fashion Music

Chryso Ndasingwa witegura igitaramo cy’amateka muri BK Arena yashyize hanze indirimbo yise "Asama ndakuzuza"

Category: Artists  »  2 months ago »  Alice Uwiduhaye

Chryso Ndasingwa witegura igitaramo cy'amateka muri BK Arena yashyize hanze indirimbo yise "Asama ndakuzuza"

Umuramyi Ndasingwa Jean Chrysostome wamamaye nka Chryso Ndasingwa yashyize hanze indirimbo yise "Asama" mu gihe ari gutegura igitaramo cy’amateka cyo kumurika Album ye ya mbere yise "Wahozeho" kizabera muri BK Arena.

Uyu muramyi Chryso Ndasingwa yamamaye mu ndirimbo yise "Wahozeho" ndetse biba akarusho bigeze kuri "Ni nziza". Yatangiye umuziki muri Korona virusi (Covid-19) akaba yateguye igitaramo cy’amateka muri BK Arena.

lki igitaramo "Wahozeho Album Launch" kizaba tariki ya 05 Gicurasi 2024. Akazaba agiye kumurika Album ye a mbere yise "Wahozeho" igizwe n’indirimbo 18 zikubiyemo ubutumwa bw’amashimwe.

lndirimbo z’uyu muramyi zagiye zandika amateka adasanzwe kuko zakunzwe na buri umwe wese wabashije kuzumva. Muri iyi ndirimbo nshya yise "Asama Ndakuzuza" yagiye hanze ku itariki ya mbere Mata 2024, amajwi yayo akorwa na Boris mu gihe amashusho yatunganijwe na Musinga.

Muri iyi ndirimbo atangira agira ati: "Ndumva lmbaraga zawe mu magufa yumye imigezi y’ubuzima irimo gutemba. Asama ndakuzuza, Rega inyegamo zawe, Asama ndakuzuza, agura ihema ryawe, akira akira ineza yanjye yageze iwawe. Amazi ava mu rusengero niyo yantembyemo mubutayu narindimo hajemo isoko aho ayo mazi anyura hose havuka ubuzima, amababi aratoshye imbuto zirera".

Chryso Ndasingwa abaye umuramyi wa kabiri mu Rwanda ukora umuziki ku giti cye uteguriye igitaramo muri BK Arena nyuma ya Israel Mbonyi umaze kuhataramira inshuro ebyiri mugihe abandi baba batumiwe Ari ibitaramo bihuza abandi abahanzi benshi.

"Wahozeho", "Ni nziza" na "Nzakomeza nkwiringire", ndahamya ko atari ubwa mbere uzumvise niba usanzwe ukurikirana umuziki wo kuramya no guhimbaza Imana mu Rwanda. Ni indirimbo zifite igikundiro cyinshi by’umwihariko "Wahozeho" imaze kurebwa na Miliyoni 1 n’ibihumbi 200 mu mwaka mwe gusa imaze kuri Youtube.

Uyu muramyi Chryso Ndasingwa akorera umurimo w’Imana muri New Life Bible Church Kicukiro. Yavukiye i Nyamirambo mu Mujyi wa Kigali, akurira mu muryango w’Abakristo Gatolika, nyuma aza kwimukira mu itorero rya New Life Bible Church ari na ho abarizwa kugeza ubu. Yatangiye umuziki mu buryo bw’umwuga mu gihe cya Covid-19.

Tanga igitekerezo kuri iyi nkuru

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.