× Home Ministries Choirs Pastors Bible Entertainment Development Health Love Fashion Music

Bugesera: Padiri yakoze impanuka iramuhitana agiye gusoma misa

Category: Ministry  »  December 2023 »  Jean d’Amour Habiyakare

Bugesera: Padiri yakoze impanuka iramuhitana agiye gusoma misa

Kuri uyu wa Kabiri, ku itariki 12 Ukuboza 2033, Mu karere ka Bugesera, mu ntara y’Iburasirazuba, habereye impanuka y’imodoka yahitanye Padiri n’abandi babiri.

Iyo modoka ya Jeep Toyota Hilux RAE001I, yari itwawe na Padiri wa Paruwasi ya Nkanga, Gakuba Célestin w’imyaka 41, yakoze impanuka igeze mu Mudugudu wa Nzagwa, Akagari ka Kintambwe, Umurenge wa Rweru.

Amakuru yavuye mu baturage bari bari hafi y’ahabereye impanuka, avuga ko hapfuye Padiri, hagapfa n’abandi bantu babiri bagendaga mu muhanda, bityo abapfuye baba babiri na Padiri wa gatatu.

Abantu batatu ni bo bari bari mu muhanda bagenda bisanzwe n’amaguru, hafi y’ikorosi. Imodoka yaje ku muvuduko uri hejuru cyane birangira ibagonze.

Muri abo batatu bagendaga n’amaguru mu muhanda, umwe ni we wabashije kurokoka iyi mpanuka y’imodoka yabagonze, kuri ubu na we akaba ameze nabi cyane aho arwariye mu bitaro by’aho mu karere ka Bugesera.

Biri kuvugwa ko uyu Padiri wapfuye yihutaga cyane bidasanzwe, arangajwe imbere no kujya gusoma misa yaburaga igihe gito ngo itangire, agonga abagenzi abaturutse inyuma.

Umuvugizi wa Polisi mu ntara y’Iburasirazuba CP Hamdun Twizeyimana, yagize icyo avuga kuri iyi mpanuka yabaye mu ntara ahagarariye mu rwego rw’umutekano agira ati:“ Impanuka yatewe n’umuvuduko ukabije kuko yananiwe gukata ikorosi ikagonga abanyamaguru.”

Uru rupfu rwababaje Abakristo bose muri rusange, rubabaza n’abandi bari kurwumva ariko cyane cyane Kiliziya Gaturika ndetse n’abo yari agiye gusomera misa.

Ni urupfu rubi cyane kandi rutunguranye ruje mu mpera z’umwaka mu gihe abantu bari kwitegura ibirori bitandukanye bizaba hirya no hino, bigamije kuwusoza neza mu gihe cya Noheri no gufasha abantu gutangira undi mwaka bishimye ku munsi w’Ubunani.

Gusa mu muryango wa Padiri wapfuye si ko bizagenda, kuko bagiye gusoza umwaka bari mugahinda gakomeye.

Umuntu upfuye muri iyi minsi, Abanyarwanda bavuga ko apfuye atariye Noheri !

Impanuka y’imodoka yahitanye abarimo Padiri

Tanga igitekerezo kuri iyi nkuru

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.