Bryan Lead yamaze gushyira hanze indirimbo ye nshya yise “ASANTE”, yakoranye n’umuramyi mpuzamahanga Gaby Kamanzi. Ni indirimbo yasohotse binyuze muri Leadwave Records, ikaba iboneka kuri platform zose zicururizwaho umuziki ku isi.
Nyuma y’urugendo rw’ivugabutumwa n’imirimo yo kuramya mu bihugu bitandukanye birimo USA, Zimbabwe, Kenya, Uganda na Zambia, Bryan Lead agarutse mu Rwanda azanye ijwi rishya rifite umwimerere w’Afurika n’ubuhanga bugezweho ku rwego mpuzamahanga.
Indirimbo ye "ASANTE" isobanura “Urakoze” mu Kiswahili. Ni indirimbo yo gushima Imana ku buzima, ubuntu, kurindwa no gutangwa kw’ibyo dukenera buri munsi. Ikozwe mu buryo bw’umuziki nyafurika ukoresha ibyuma gakondo, imirya ya gitari n’ijwi rya Bryan rirashe kandi rifite imbaraga. B
olingo ni we wakinnye gitari, Brilliance ayobora amashusho, naho Jimmy Pro na Flexmusic bakorana na Bryan mu gutunganya amajwi Bryan Lead yagize ati: “Hari impamvu nyinshi zo kuvuga ASANTE: kuba turi bazima, ubuntu bw’Imana, amahoro, n’umugisha wo kubyuka buri gitondo. Iyi ndirimbo ni isengesho ryanjye ryo gushima no guhimbaza Imana.”
Iyi ndirimbo yahuje amajwi abiri akomeye mu muziki wa Gospel mu Rwanda, kuko Gaby Kamanzi, uri gutaramira muri Ghana, ayiririmbamo mu buryo butuma ubutumwa bw’iyi ndirimbo bugera ku bakunzi bayo hirya no hino ku isi.
Umuyobozi w’ivugabutumwa mu muziki, Dr. Lauren Mitchell wo muri Worship Central – USA, yashimye ibikorwa bya Bryan avuga ati: “Bryan Lead afite ijwi rihamagarira isi yose. Umuziki we urashimishije kandi ufite ubutumwa bufite imbaraga. ‘ASANTE’ ni imwe mu ndirimbo za Gospel zihebuje muri uyu mwaka.”
Bryan Lead, amazina ye nyayo akaba ari Bryan Dadou Niyigena, ni umushumba, umuhanzi, umwanditsi w’indirimbo n’umutoza mu by’umuziki. Ni we washinze Spirit of Worship Center ndetse na Leadwave Ltd. Azwi mu kurera abaramyi, gutegura amateraniro yo guhimbaza Imana no gufasha abantu kugira ubuzima bwo gusubirana n’Imana.
Akomeje kandi kuba mu biganza by’abashumba mpuzamahanga barimo Pastor William McDowell wo muri Deeper Fellowship Church – USA, umwigisha mu kuramya n’ubuyobozi bwa gikirisitu.
Amakuru y’Indirimbo "Asante"
Abahanzi: Bryan Lead ft. Gaby Kamanzi
Icyiciro: African Acoustic Gospel / Worship
Itariki yasohotse: 27 Ukwakira 2025
Iyasohoye: Leadwave Records
Uwakoze amashusho: Brilliance
Abo bakoranye mu majwi: Jimmy Pro & Flexmusic
Umwanditsi w’indirimbo: Bryan Lead
Guitar: Bolingo
Ahakorewe: One Cup Studio
Iburwa: Spotify, Apple Music, YouTube, Boomplay, Amazon Music, Deezer, Audiomack
