Alicia na Germaine ni abakobwa b’abavandimwe bafite impano idasanzwe mu muziki wo kuramya no guhimbaza Imana. Ni Abakristo bo mu Itorero ADEPR Ruhangira, bakaba barakuriye mu muryango ukunda Imana kandi ushyigikira impano z’abana.

Ufitimana Alicia, umukuru, ni umunyeshuri mu by’Ubuganga muri Kaminuza Nkuru y’u Rwanda, Ishami rya Huye, mu gihe murumuna we Ufitimana Germaine yiga mu mashuri yisumbuye mu ndimi n’ubuvanganzo kuri Groupe Notre Dame d’Afrique de Nyundo.

Urugendo rwabo rwa muzika rwatangiye ku mugaragaro mu 2022, ariko indirimbo ya mbere “Urufatiro” yasohotse ku wa 17 Mata 2024 ari yo yabafunguriye amarembo yo kumenyekana. Iyi ndirimbo yanditswe na se wabo, Ufitimana Innocent, ari na we ubahagarariye.

Nyuma yayo bakurikiyeho “Rugaba”, “Wa Mugabo”, “Ihumure”, “Uriyo”, indirimbo yakunzwe cyane ku rwego rwo hejuru, na “Ndahiriwe”, Mu ntangiriro za 2026, ku wa 14 Mutarama, basohoye “Ibendera”, indirimbo ya Gospel iri mu njyana ya Amapiano.

Mu gihe gito cyane, Alicia na Germaine begukanye igihembo cya Best Gospel Artist muri Rubavu Music Awards 2025, bagera ku barenga ibihumbi 80 ku muyoboro wabo wa YouTube.

Intego yabo ni ugukomeza kwagura umurimo wabo, bakaba abahanzi ba Gospel ku rwego mpuzamahanga.

Reba icyegeranyo gisobanura neza amateka n’umwimerere w’urugendo rwabo kuri YouTube

REBA INDIRIMBO YABO NSHYA "IBENDERA"

REBA INDIRIMBO YABO "RUGABA"