Ku wa Gatandatu, ibyihebe byashimuse abakristu barenga 30 bo mu majyepfo ya leta ya Kaduna, muri Nijeriya.

Umuturage wo muri ako gace, Victor Dabo, mu butumwa bugufi, yatangaje ko aba bagabye igitero bashimuse abakristu bitwaje imbunda ahagana mu ma saa kumi n’ebyiri za mu gitondo ubwo bahingaga mu isambu i Chikuri, mu Ntara ya Chikun.

Dabo yavuze ko "Abahinzi b’abakristo barenga 30 bahingaga umurima bashimuswe icyarimwe". Dabo yongeye ho ati: “Nyamuneka musengere umuryango w’abakristu ba Chikuri.”

Peter na we yagize ati: “Mama na mushiki wanjye bari mu bashimuswe n’iterabwoba. Ibi byabaye byateye abaturage bacu urujijo. Abaterabwoba ntibaraduhamagara nyuma y’amasaha arenga 24 nyuma yo gushimutwa kw’abagize umuryango wacu".

Yavuze ko gushimuta bibaye ku nshuro ya gatatu iterabwoba ryibasiye umuryango wabo wahahamutse. Avuga ko ibyiringiro byanyuma by’abaturage byashyizwe mu bapolisi, mu zindi nzego z’umutekano ndetse na guverinoma ya Nigeria, yabasabye gutabara abari bajyanywe bunyago.

Raporo ya World Watch List (WWL) ivuga ko Nigeriya yayoboye isi mu bakristu bishwe bazira ukwemera kwabo mu 2022. Yayoboye kandi isi mu bakristu bashimuswe (4,726), basambanywa cyangwa bahohoterwa, bashakanye ku gahato cyangwa abahohotewe ku mubiri cyangwa mu mutwe, kandi yari ifite amazu menshi n’ubucuruzi byibasiwe n’impamvu zishingiye ku kwizera.

Ku rutonde rwa 2023 rw’isi aho bigoye cyane kuba umukirisitu, Nijeriya yasimbutse ku mwanya wa gatandatu, ikaba iri ku mwanya wa mbere mu bihe byose.

Raporo ya WWL yagize ati: "abarwanyi bo muri Fulani, Boko Haram, Intara ya Kisilamu mu Ntara ya Afurika y’Iburengerazuba (ISWAP) n’abandi bagaba ibitero ku miryango y’Abakristo, kwica, kumugaza, gufata ku ngufu no gushimuta cyangwa uburetwa bw’imibonano mpuzabitsina."

Ati: "Muri uyu mwaka kandi hagaragaye ihohoterwa ryinjira mu bakristu benshi biganjemo amajyepfo.

Abayobozi b’Abakristu muri Nijeriya bavuze ko bizera ko ibitero by’abashumba byibasiye imiryango y’abakirisitu muri Nijeriya byatewe n’icyifuzo cyabo cyo kwigarurira ku gahato amasambu y’abakristu.

Src: Christian Post