Mu ijoro ryo ku wa 01 rishyira ku wa 02 Gashyantare 2026, hatanzwe ibihembo bya Grammy Awards ku nshuro ya 68 muri Crypto.com Arena i Los Angeles muri Leta Zunze Ubumwe za Amerika.
Muri ibi bihembo by’icyubahiro ku rwego rw’Isi, umuziki wa Gospel na wo wari uhagarariwe mu byiciro byawo byihariye bigera kuri bitanu.
Mu cyiciro cy’Indirimbo nziza ya Gospel, igihembo cyegukanywe na CeCe Winans afatanyije na Shirley Caesar binyuze mu ndirimbo "Come Jesus Come", indirimbo ishimangira kwizera no kwegera Imana, ikaba yarashimwe cyane n’akanama ka Grammy.
CeCe Winans
Mu cyiciro cy’Indirimbo nziza ya Contemporary Christian, igihembo cyahawe Brandon Lake afatanyije na Jelly Roll, binyuze mu ndirimbo "Hard Fought Hallelujah", indirimbo igaragaza urugendo rwo kwizera no gukomeza kwizirika ku Mana mu bihe bigoye.
Brandon Lake
Ku bijyanye na Album nziza ya Gospel, igihembo cyegukanywe na Darrel Walls na PJ Morton babikesha album yabo "Heart of Mine", yagaragaje ireme mu muziki no mu butumwa bwa gikristu.
Darrel Walls
Mu cyiciro cya Album nziza ya Contemporary Christian, igihembo cyahawe Israel & New Breed binyuze kuri album Coritos Vol. 1, yagaragaje umwihariko mu muziki wo kuramya no guhimbaza Imana.
Israel & New Breed
Mu cyiciro cya Album nziza ya Roots Gospel, igihembo cyegukanywe na The Brooklyn Tabernacle Choir babikesha album "I Will Not Be Moved" (Live), igaragaramo umuziki wa Gospel gakondo ufite imbaraga n’ubutumwa bukomeye.
The Brooklyn Tabernacle Choir
Ibi bihembo byongeye kwerekana ko umuziki wa Gospel ukomeje guhabwa agaciro ku rwego mpuzamahanga, ukaba ufite umwanya ukomeye mu muziki w’Isi no mu itangazamakuru.
