Itorero rya ADEPR Gatenga riherereye mu mujyi wa Kigali ryateguye igiterane cy’iminsi ine ku bufatanye na Korali Beula yo kuri iri torero rya ADEPR Gatenga. Ni igiterane kizatangira ku itariki 02 kugeza kuri 05 Gicurasi 2024.

lki giterane "Ikigoyi kiracitse Live Concert" gifite intego iri muri
Zaburi :12:4-7 " Uwiteka azatsemba iminwa yose ishyeshya, N’ururimi rwirarira,
abavuze bati “Tuzaneshesha indimi zacu, Iminwa yacu ni iyacu udutwara ni nde?”

“Ku bwo kunyagwa k’umunyamubabaro, ku bwo gusuhuza umutima k’umukene, Nonaha ndahaguruka”, ni ko Uwiteka avuga, “Ndashyira mu mahoro uwo bacurira ingoni.”Amagambo y’Uwiteka ni amagambo atanduye, Ahwanye n’ifeza igeragejwe mu ruganda rwo mu isi, Ivugutiwe karindwi.

Iki giterane kizitabirwa n’amakorali atandukanye yo kuri iri torero rya ADEPR Gatenga nka korali Ukuboko kw’iburyo, Elayo, Holy Nation, Nyota ya Alfajili, ndetse na Korali z’abashyitsi nka korali Elimu, Maranatha, Abaragwa ndetse na Simuruna.

Hazaba hari abagabura b’ijambo ry’lmana nka Past. Ignace, Ev. Anastasie, Ev. Nshizirungu ndetse na Ev. Rafiki. Mu minsi mike ishize ni bwo iri torero ryari ryateguye igiterane cyatangiye ku wa 21 kugeza 24 Werugwe 2024.

Niba rero uri mu mujyi wa Kigali "Ikigoyi kiracitse Live Concert" ntizagucike ni ahantu heza ho guhembukira.