Umwuzukuru wa pasiteri yatawe muri yombi akurikiranyweho kwiba amadorari arenga 470.000 mu rusengero rwo muri Carolina y’Amajyaruguru mu myaka itanu ishize kugira ngo ayikoreshe ku giti cye.
Jordan Blake Shortridge w’imyaka 28, yatawe muri yombi mu ntangiriro z’uku kwezi ashinjwa ubujura buciye icyuho bw’amadorari agera ku 470.000 (586,357,900 Frw) mu Itorero ryitwa Church of God ryo muri Dallas kuva mu 2018 kugeza mu 2023.
Nk’uko byatangajwe n’ishami rya polisi rya Dallas, ubuyobozi bw’itorero bwavuganye n’ubuyobozi muri Nyakanga.
Ishami rishinzwe ibaruramari muri Church of God ryasanze itandukaniro riri mu kigega cy’itorero mu 2021, bituma igenzura ry’imari yaryo risanga harabayeho kubikuza bitazwi no kwishyura binyuze muri PayPal" nk’uko abapolisi babitangaza.
Bidatinze, iryo torero ryahise rimenyesha abapolisi impungenge zaryo, hakorwa iperereza. Abapolisi baje guta muri yombi Shortridge nk’umuntu ukekwaho icyaha bwa mbere.
Urubuga rw’itorero rwashyize ahagaragara ko Pasiteri Dr. Shortridge n’umugore we Karen, bakekwaho uruhare muri minisiteri. Uru rubuga rwavuze ko Jordan Shortridge yakoraga cyane mu itorero, avuza ingoma kandi akora mu ishami rya A / V."
Umuyobozi mukuru w’ubushakashatsi bwa Lifeway, Scott McConnell yagize ati: "Kunyereza amafaranga birashoboka cyane mu gihe umuryango udafite inzira zikenewe ku buryo abantu benshi bamenya amafaranga yose akoreshwa mbere yuko aboneka.
Kureka bimwe muri ibyo birindiro no koroshya uburyozwe mu bijyanye n’amafaranga hagamijwe umurimo bishobora kumvikana neza".
Source: Christian post
