Umuvugabutumwa w’Umunyamerika, Dana Morey, n’itsinda bafatanya bageze kure imyiteguro y’ibiterane by’iminsi itatu muri Luweero: Ku wa 21-23 Werurwe 2025 n’i Mubende: Ku wa 28-30 Werurwe 2025, ariko ubu yatangiye ibiterane bito, hakaba hazaba ibiterane nyamukuru kuri aya matariki.
Ku munsi wa mbere w’umurimo muri Luweero, umuvugabutumwa Dana Morey n’itsinda rye rya A Light to the Nations babonye imbaraga z’Imana. Umunezero wari wose kuko abashumba baho hamwe n’abaturage bakiriye Ubutumwa Bwiza n’umutima ukunze.
Kuva mu gitondo hakorwa ivugabutumwa mu buryo butandukanye kugeza ku mugoroba, aho haba hateraniye abantu benshi kandi ababarirwa mu bihumbi byinshi by’abitabiriye ubutumire bwo gukizwa, bagaha Yesu ubuzima bwabo. Umwuka w’ibyishimo, gukira indwara z’uburyo bwose ni byo biharangwa.
Ivugabutumwa riratangirira i Luweero
Uganda iri kubona ububyutse bukomeye mu mwuka, kuko umuvugabutumwa Dana Morey n’itsinda rye bari kugera ku mtima wabo babagezaho Ubutumwa Bwiza, cyane ko azwiho umwete wo gukwirakwiza Inkuru Nziza ku isi hose, akaba yaratangije umurimo wa 2025 muri Uganda, aho azabwiriza ubutumwa bw’ihinduka mu bice bitandukanye bya Uganda.
Ku munsi wa mbere w’ivugabutumwa muri Luweero, abapasitori n’abaturage baho bakiriye Dana Morey n’itsinda rye n’umutima ushishikaye. Uyu murimo ushamikiye ku cyanditswe kiri muri Mariko 16:15-20, kandi kuva watangira, ibihumbi by’abantu byamaze kwakira Yesu Kristo nk’Umwami n’Umukiza w’ubugingo bwabo.
Gahunda y’ibikorwa muri Luweero
Itsinda rya A Light to the Nations rikora umurimo rigendeye ku bushishozi n’ubufatanye n’abayobozi b’aho rijya. Muri Mubende, umuyobozi w’uyu murimo ku mugabane wa Afurika yahuye n’inzego z’ibanze kugira ngo bahuze imbaraga mu gutegura neza ibiterane.
Ubu buryo bwateguwe neza butuma Ubutumwa Bwiza bugera ku bantu benshi, bugaha ibyiringiro abari mu bihe bikomeye, kandi bugahindura ubuzima bwa benshi.
Ibikorwa byagaragaye muri uyu murimo ni ibi bikurikira: • Abarwayi bakize indwara zabo. • Abari baracitse intege bongera kwizera no kugira ibyiringiro. • Abanyabyaha bakira Umukiza, na ho abatishimiye ubuzima bumva urukundo rwa Kristo basubizwamo imbaraga.
Amatorero n’imiryango yakiriye uyu murimo
Ku cyumweru cya mbere mu gace kose kabereyemo ivugabutumwa, itsinda rya Dana Morey rihuza imbaraga n’amatorero yaho. Amatorero yo muri Luweero na Mubende yakiriye neza uyu murimo, biyemeza gutanga ubufasha mu gutegura no gushyigikira ivugabutumwa. Ubumwe n’ubufatanye bigaragara muri ibi bikorwa byatumye uyu murimo urushaho kugira imbaraga.
Ubutumwa bwo gukira no kwakira Yesu Kristo
Mu butumwa bwe bugira buti: "Igihe ni iki, kandi none ni igihe cyo gukizwa kwawe," Dana Morey n’itsinda rye bahamagarira abantu kwinjira mu buzima bushya muri Kristo. Akenshi yifashisha ijambo ryo muri Yohana 8:36 rigira riti: "Niba Umwana yabahaye kubohorwa, muzaba koko mwabohowe." Uyu murimo wibanda ku mbaraga zo guhindurwa n’ukwizera Kristo.
Ibyabateganyirijwe muri Luweero
• Igiterane cy’Ivugabutumwa i Luweero: Ku wa 21-23 Werurwe 2025 • Igiterane cy’Ivugabutumwa i Mubende: Ku wa 28-30 Werurwe 2025
Nk’uko Uganda yakiriye A Light to the Nations, ingaruka z’ubutumwa bwiza zirigaragaza. Umurava w’umuvugabutumwa Dana Morey mu kubwiriza ibya Kristo no gufasha abari mu bibazo biracyatera benshi inkunga no guhindura ubuzima.
Jya mu murimo w’ivugabutumwa, ubone umudendezo n’ibyiringiro biri muri Yesu Kristo!
Uku ni ko byifashe mbere yo gukora ibiterane nyamukuru!
