Ubutegetsi bwa Donald Trump bwahagaritse inkunga ya miliyoni $400 yahabwaga Kaminuza ya Columbia kubera imyigaragambyo igaragaza ko badashyigikiye Israel n’amakuru avuga ku ihohoterwa rikorerwa abanyeshuri b’Abayahudi.
Ibigo bya leta nk’Ikigo cy’Ubutabera n’icya Minisiteri y’Uburezi byatangaje ko iyo kaminuza itarafata ingamba zihagije mu kurwanya iryo hohoterwa, bikaba bigaragaza ko yanyuranyije n’amategeko yo kurwanya ivangura.
Umunyamabanga wa Leta ushinzwe Uburezi, Linda McMahon, yavuze ko amashuri agomba kurengera abanyeshuri kugira ngo akomeze guhabwa amafaranga yo kubafasha.
Kaminuza ya Columbia yatangaje ko izakorana n’inzego za leta mu iperereza, ariko hari abavuga ko itarafata ingamba zihagije zo guhagarika iyo myigaragambyo.
Aha ni igihe abashyigikiye Israel, barimo n’Abakristo b’ivugabutumwa, bitabiraga urugendo United for Israel rwabereye hanze ya Kaminuza ya Columbia ku ya 25 Mata 2024, muri New York City.
Abashyigikiye Israel bari bari kugira icyo bavuga ku bwiyongere bw’inkambi y’abanyeshuri bigaragambya bashyigikiye Palestine ku masite ya za kaminuza hirya no hino mu gihugu.
