Papa Francis yatoroye Simona Brambilla, umunyamuryango w’Abamisiyonari ba Consolata, kuba umuyobozi w’Ikigo cya Dicastery gishinzwe Amashuri y’Ubutumwa n’Amashyirahamwe y’Ubumwe bw’Abakristu, akaba ari we mugore wa mbere mu mateka uhawe ubu burenganzira muri Vatikani.

Brambilla, ufite imyaka 59, afite uburambe buhagije mu kazi, kuko yabaye umuyobozi mukuru w’Abamisiyonari ba Consolata ndetse akaba yari umunyamabanga w’iki kigo kuva mu Kwakira 2023.

Uyu mwanya mushya wa Brambilla ni kimwe mu bikorwa bya Papa Francis mu kongerera abagore imyanya y’ubuyobozi muri Kiliziya Gatolika. Brambilla asimbuye Musenyeri Alessandra Smerilli, wari umunyamabanga w’ikigo cya Vatikani guhera muri 2021.

Nubwo Papa Francis atemera ko abagore bahabwa uburenganzira bwo kuba abaherezabitambo, yagiye agerageza kongera umubare w’abagore mu myanya ikomeye, nko muri 2018 ubwo yatoreraga abagore batatu kuba abigisha Ijambo ry’Imana muri mu Muryango w’Abakristu no mu wa 2020, ubwo yatoraga abagore batandatu muri Komite y’Imari ya Vatikani.

Muri 2023, yemereye abagore kuba abanyamuryango ba Sinodi y’Abepisikopi bwa mbere mu mateka yayo.

Ni ubwa mbere bibayeho mu mateka ya Kiliziya Gatolika ko iha umugore izi nshingano zo kuyobora ikigo gikomeye i Vatikani