Aya mavuna yatumiwemo korali z’abashyitsi nka korali Perle de vie yo muri AUCA na Korali Abagenzi yo ku Muhima n’amakorali yose akorera muri iri torero rya Kaminuza SDA Church nka korali Esperance vivant, Pepineur du seigneur, Jasper singers, Ratrompet, Salem messengers, True friends, God’s flock ndetse na Merry Melody Family Choir. Ndetse hazaba hari n’umwigisha Habiyaremye Edison.

Paradise yegereye umwe mu banyetorero Mukeshimana Furahab maze adutangariza ko "muri iki gihe ubona uko imiryango bitameze neza, aya mavuna ni nko gukora ubukangurambaga cyangwa kwibutsa abantu ko umuryango ko ari ryo shingiro ry’ubukiristo".

"Umuntu adafite umuryango muzima ntiyagira n’ejo hazaza hazima ndetse n’ejo hazaza ntihaba ari hazima nta torero ryaboneka ndetse ntanimbaraga z’igihugu z’ejo hazaza zaba zihari. lkindi inzira ijya mu ijuru ntago umuntu akwiye kuvuga ngo ayigiyemo wenyine ahubwo ni ukubwiriza ubutumwa muri rusange kugira ngo abantu Bose bagaruke ku Mana."

"Niyo mpamvu waba uri umusore, waba uri umwana, waba uri umusaza ariko ubarirwa mu muryango". Yunzemo ati: "Niba uri n’umunyeshuri umuryango muri kumwe yaba uba hanze abantu mubana cyangwa mwegeranye na we ni umuryango rero ni ikaze ku bantu bose ni mu minsi isanzwe ni uguhera sakumi nimwe".

"Mu by’ukuri nk’uko, inzira ya mbere yo kujya mu ijuru itangirira mu rugo aho uba kuko niho hantu hambere ukwiye gukirizwa utoza abo mubana inzira y’agakiza kuko ntago agakiza kagaragara hanze ariko mu rugo Ari amakimbirane gusa.

Umunyarwanda wa kera maze arareba aritegereza maze agira ati :" Ijya kurisha ihera ku rugo". Burya nujya no kubwiriza uzahere ku bo mu nzu yawe niho irembo ry’ ijuru ritangirira".

Ntuzacikwe n’iki giterane kidasanzwe