Igisubizo gisa nk’aho gihabanye n’inkuru nyinshi z’impfu zanditswe mu Byanditswe uhereye nko kuri ba Yuda, intumwa izwi cyane, kugeza ku bantu basa nk’abadafite agaciro kanini muri Bibiliya nk’abahungu ba Kora cyangwa Ananiya na Safira mu gitabo cy’Ibyakozwe n’Intumwa. Ariko igitangaje, Bibiliya ntacyo ivuga ku rupfu rwa Petero na Pawulo.

Nk’uko Jordan Smith, umwarimu w’ubushakashatsi bwa Bibiliya muri kaminuza ya Iowa abigaragaza, amakuru ku rupfu rwa Petero na Pawulo akomoka ku masoko adashingiye kuri Bibiliya, inyinshi muri zo zikaba zivuguruzanya, ku matariki n’aho bapfiriye.

“Urugero, wari uzi ko dufite verisiyo cumi n’eshanu zitandukanye z’urupfu rwa Petero na Pawulo – enye kuri Petero, eshanu kuri Pawulo, n’esheshatu kuri bose hamwe icyarimwe- byose byanditswe ahagana mu kinyejana cya gatandatu?” Smith.

Dore ibyo tuzi: Pawulo akiriho abwiriza i Roma mu gusoza Ibyakozwe n’intumwa, kandi mu gihe runaka cyakurikiyeho, we na Petero bishwe na Nero. Urupfu rwabo rwari rusanzwe rufitanye isano n’abandi 64 bishwe nyuma ya Yesu, mu gihe cyo gutotezwa kw’abakristo.

Yanditse ati: “Urugero, mu ibaruwa yandikiraga umwami w’abami Trajan mu mwaka wa 112 IC, Pliny the Younger yavuze ko yahuye n’ibirego ashinja itsinda ko ntacyo azi kuri ibyo byiswe ’Abakristo.’" Igisubizo cya Trajan kigaragaza ko atigeze yumva iri tsinda mbere.

Smith avuga ko hari imigenzo ibiri yatinze ifitanye isano n’urupfu rwa Petero na Pawulo: Bivugwa ko Petero yabambwe acuramye "kubera ko yumvaga adakwiriye kubambwa mu buryo busa nubwa Yesu," na Paul, umuturage w’i Roma we yaciwe umutwe". Ababyeyi b’Itorero rya mbere Origen na Jerome bavuga ko bagaragaje urupfu rwa Petero nk’umuco wo “kwicisha bugufi,” nk’uko Smith abivuga.

Naho Paul, Smith avuga ko inkuru imwe y’urupfu rwe “isa cyane n’inkuru ya Ewutoki mu Byakozwe n’Intumwa 20.” Smith ati: “Umugaragu utwara ibikombe wa Nero yumvirije mu idirishya yumva Pawulo azura undi mugaragu mu bapfuye, umugaragu wazutse yajekubabaza Nero yemera ko Yesu ari ’umwami w’iteka,’ bituma Nero amenya ko n’abandi benshi mu [barinzi] be ari Abakristo. ”

Nubwo amakuru atandukanye nyuma yo gusubiramo, bivugwa ko Nero yategetse abakristu gutabwa muri yombi kandi Paul acibwa umutwe nk’uko Smith abitangaza.

Yizera ko, nubwo inkuru zinyuranye zagiye zivuga ku rupfu rw’intumwa, kubavugwa ku rutonde rw’ibitabo byemewe n’amategeko bigaragara ko ari “icyemezo gifatika” cyaje gufatwa n’Itorero rya mbere mubijyanye nimpfu zizintumwa.

Smith yaranditse ati: "Ahari igitekerezo cyari ukwibanda gusa ku mibereho yabo gusa." Ati: “Ahari ni ukubera ko igihe Amavanjiri yandikwaga, Intumwa zari zaratatanye kandi inkuru z’urupfu rwabo ntizamenyekaniraga ku gihe.

Ati: “Cyangwa, bishoboka ko abanditsi b’Ivanjili batamenyekanye gusa ahari impamvu babyanditse kuriya nuko batatekerezaga ko imigenzo iyo ari yo yose y’urupfu ishobora kwizerwa, hakagira bimwe birengagiza kubera iyo mpamvu.”

Ikibazo twakwibaza ’ese kumenya uburyo intumwa zapfuye bifite akamaro ku bakristo bo mu kinyejana cya 21?’

Darrell Bock, umwarimu mukuru w’ubushakashatsi bwo mu Isezerano Rishya muri Seminari ya Tewolojiya ya Dallas, yatangarije The Christian Post ko intumwa zimwe zatanze ubuzima bwazo zanze gutatira ukwizera kwazo.

Bock ati: "Byerekana ko bizeraga rwose ibyo babwirizaga kuri Yesu." Ku byerekeye uko bapfuye, igitekerezo cy’uko Petero yabambwe acuramye kubera ko atumvaga akwiriye gupfa nk’uko Yesu yapfuye bivuga byinshi ku kwicisha bugufi kw’intumwa. "