Mu busanzwe "ELAYO" ni izina ry’igiheburayo risobanura ngo “Amavuta yomora”. Elayo choir ifite urubyiruko rukiri ruto rufite impano ndetse n’inyota yo kuramya Umwami wabo, ikaba igizwe n’abaririmbyi bagera 150.

Kuwa 5 Gicurasi 2024 ni bwo korali Elayo yashyize hanze indirimbo nziza cyane yitwa "Didiyoni" yo kuri alubumu ya Kane baherutse gukora bise "NTAKIYINANIRA" yakozwe ku wa 09 Werurwe 2024. "Gideyoni" ikaba yabanjirije izindi ndirimbo nka "Isi nshya", "Tunejejwe n’Imana", "Ikidendezi", "Turi abarame" na "Ntakiyinanira".

Korali Elayo ni umuryango w’abaririmbyi wavutse ku wa 01 Ukuboza 2001. Korali Elayo igijzwe n’abaririmbyi bakiri ku ntebe y’ishuri (Current Elayo) n’abandi basoje amasomo yabo (Le POST CEPIE ELAYO). Guhera muri 2001 Korali Elayo yakomeje kwaguka.

Korali Elayo igira ibikorwa bitandukanye by’ivugabutumwa nk’uko intego nyamukuru
y’umuryango iri. Aha dusangamo ibikorwa byo gufasha abantu bafite ibibazo yaba abaririmbyi ba korali Elayo ndetse n’abandi bantu bo hanze (mu magereza,
kwa muganga n’abantu batishoboye.

Mu mwaka 2005 korali Elayo yashyize hanze cassette volume ya mbere bise "Twigishe gusenga", muri 2006 ifatanije n’ayandi makorali n’ubufatanye bwa CEP UNR haguzwe ibyuma bishyashya, mu mwaka 2008 bashyize hanze cassette volume ya kabiri bise "lbyiringiro".

Mu mwaka wa 2011 hakurikiyeho iya gatatu bise "Akira amashimwe". Hanyuma gato kuwa 17/03 2013 korali Elayo choir yasohoye umuzingo w’amashusho wa volume ya mbere witwa "Akira amashimwe".

Elayo choir bakomeje kwamamaza izina rya Yesu binyuze mu ndirimbo