Korali Bethfage ibarizwa mu ADEPR ku itorero rya Bethfage muri paruwase ya Mbugangari aha ni mu karere ka Rubavu i Gisenyi, akaba ari umuryango wagutse w’abaririmbyi 80.
Korali Bethfage yatangiye umurimo w’ivugabutumwa ryo kuririmba mu mwaka wa 1998, ikaba imaze gukora imizigo itatu (album3) z’amashusho ndetse na n’imizingo ine y’amajwi (Album 4 audio).
Kuwa 25 Mata 2024 ni bwo korali Bethfage yashyize hanze indirimbo y’amajwi n’amashusho bise "Yesu Nshuti". Ni indirimbo nziza cyane ifite amagambo meza ndetse mu masaha make imaze hanze imaze gukundwa nabatari bake.
Batangira baririmba bagira bati: "Yesu Nshuti, mukunzi mwiza reka nkubwire ibindushya, kuko wowe uranyumva, ibinteye ubwoba byose ubinkize undengere kuko wowe uranyumva."
Bakomeze bagira bati: "Yesu ndakwizeye byiringiro by’ubuzima ntuje ntegereje ibyo ukora biranyura". lyi ndirimbo itanga ihumure ku bagenzi bagana mu Ijuru ndetse ikabasubizamo imbaraga kuko ubwayo ni nk’isengesho."
Mu kiganiro na Paradise, umuyobozi wa Bethfage choir, Mugabo Pascal, yagize ati: "Ubu dufite ibikorwa byinshi twateganyije birimo gufasha abatishoboye no kuremera bamwe muri twe, ibikorwa by’ubucyuruzi muri make dufite amaproje menshi (imishinga). Korali Bethfage twakoze n’ivugabutumwa hano mu gihugu cyacu cy’u Rwanda no hanze yacyo kandi turakomeje".
Ushaka gukurikirana ibihangano bya korali Bethfage wajya kuri channel yitwa "Bethfage Choir Gisenyi".
Uwiteka abahe umugisha kd abakomereze amaboko