Itsinda rya mbere rya gikirisitu ryitwa MercyMe ryashinzwe mu 1994, ryongeye gushimangira umwanya waryo mu mateka y’umuziki muri uku kwezi, ryabonye undi mwanya wa mbere kuri Billboard’s Christian Airplay ndetse na Christian Adult Contemporary Airplay.
Indirimbo yabo "To not worship you," yo muri alubumu yo mu 2022 bise "Always only Jesus", yazamutse ku mwanya wa mbere kuri Christian Airplay na Christian AC Airplay. Iyi ndirimbo yerekana ibirangaza abakristo bakunze guhura nabyo kandi bishimangira akamaro ko kwibanda ku Mana.
Urugendo rwa MercyMe rwaranzwe n’ibintu by’ingenzi, harimo gusinyana na INO Records mu 2001 no gusohora indirimbo yabo yise "l can only imagine." Iyi ndirimbo yabaye iya mbere ya gikristo yageze kuri platine ebyiri mu kugurisha imibare.
Indirimbo itwara abayumva mu rugendo ibashishikariza gutekereza uko ijuru rizaba rimeze. MercyMe yabonye ibihembo byayo bya mbere bya Christian Airplay na Christian AC Airplay No 1 muri 2003.
Nyuma y’imyaka igera ku icumi hamwe na INO Records, MercyMe yasinyanye amasezerano na Columbia imprint Fair Trade, maze asohora icyegeranyo cyo gusenga cyeruye cyiswe The Worship Sessions mu 2011.
Muri 2014, iri tsinda ryafashe ingamba zishimishije kandi zibyina kuri Welcome to the New, ryarimo ibice bya muzika ya Jazz, Rock, n’imizi. Album ya Noheri bise "Ni Noheri" yageze hanze mu gihe cy’ibiruhuko mu 2015. Lifer yasohotse mu 2017 kandi itanga izindi mbaraga nyinshi z’indirimbo zishingiye ku kwizera.
Muri iri tsinda harimo Nathan Cochran, Barry Graul, Bart Millard, Mike Scheuchzer, Robby Shaffer hamwe na James Phillip Bryson.
Millard yabwiye Billboard mu 2021 ko gutsinda kw’itsinda bitari byoroshye, cyane cyane bitewe n’ububabare bw’umuntu bujyanye no kwandika indirimbo. Yashimangiye kandi ko itsinda rikomeje kwiyemeza guhanga umuziki wubaha Imana kandi uzamura umuryango wa gikristo.
Nk’uko tubicyesha Christian Post, MercyMe ifite igitaramo gikomeye mu Ugushyingo hamwe na Toby Mac na Zach Williams ahazabera ibitaramo by’iri tsinda ni Georgia, Indiana, Ohio na Dakota y’Amajyepfo.
lbi bitaramo bitegerejwe n’abatari bake by’umwihariko abakunzi ba MercyMe bubatse izina binyuze mu kubaka umurimo w’lmana no gusakaza ivugabutumwa ku isi hose binyuze mu ndirimbo. Hitezwe byinshi kuri iki gitaramo.
MercyMe yashinzwe mu 1994
RYOHERWA N’INDIRIMBO "EVEN IF" Y’ITSINDA MERCYME
