Mu rwego rwo gukomeza umurimo wo kuramya no gukiza imitima biciye mu ndirimbo n’Ijambo ry’Imana, Agape Choir Nyarugenge yateguye igiterane cy’ivugabutumwa cyiswe “Ukuboko k’Uwiteka”.
Iki giterane kidasanzwe kizabera kuri ADEPR Nyarugenge ku matariki ya 24-25 Gicurasi 2025, kuva saa 8h00 kugeza saa 13h30.
Kizahuza amakorali akunzwe mu Rwanda arimo Siloam Choir, Jehovah Jireh Choir, Enihakore Choir, na Lunch Hour Worship Team. Agape Choir izakira kandi iririmbire abitabiriye, binyuze mu ndirimbo zifite ubutumwa bwo gukiza imitima no guhumuriza abari mu bihe bigoye.
Ijambo ry’Imana rizigishwa na Pastor Uwambaje Emmanuel, mu gihe ibikorwa byose bizayoborwa na Pastor Valentin Rurangwa nka “host”. Intego y’igiterane ishingiye kuri Yesaya 59:1 igira iti: “Dore ukuboko k’Uwiteka ntikwaheze ngo ananirwe gukiza, n’ugutwi kwe ntikwapfuye ngo ananirwe kumva.”
Iki giterane ni uburyo bwo kugaruka ku Mana, gushima no gusaba ko ukuboko kwayo gukiza, gukiza imibabaro, ibibazo n’inzitizi zitandukanye. Abateguye igiterane bemeza ko ari umwanya udasanzwe wo kwibuka imbabazi z’Imana n’urukundo rwayo rutagereranywa.
Umuryango wawe wose uratumiwe.
