Tariki ya 9 Ugushyingo, Farhan Ul Qamar yarasiwe imbere y’abandi bagize umuryango we. Mbere y’uko apfa, yavuze ko umwicanyi, Muhammad Zubair, yerekanye urwango yanga abakirisitu n’abayahudi, (umwicanyi yemeye ko yatewe n’urwango rukomeye yangaga abakristu n’abayahudi).
Ul Qamar yagize ati: "Umuhungu wanjye yarwaniraga ubuzima bwe, ava amaraso menshi kubera ibikomere by’amasasu, ariko umwicanyi Muhammad Zubair, ntiyatwemereye no kumuha amazi, tutibagiwe no kumuhumuriza."
Ati: “Yatwitaga ’Abayahudi’ igihe yadutukaga akatuzunguzaho imbunda. Twese twarebye nta nkomyi, tumwinginga ngo agende, ariko ntiyagenda. ”
Ul Qamar yagize ati: “Nta n’umwe mu baturanyi bacu wagize icyo akora kuko nyuma yo kumva amasasu atatu ya mbere yarashwe Farhan, arashwe na Zubair.
Nta muntu wasohotse mu ngo zabo igihe yavaga…abantu bose baramutinyaga.” Yavuze ko umuhungu we yashizemo umwuka nyuma yerekeza mu bitaro.
Ul Qamar yavuze ko Zubair atari yarigeze ahisha urwango yangaga abakirisitu, ariko imyitwarire ye yarushijeho kwiyongera nyuma y’uko amakimbirane hagati ya Isiraheli na Palesitine atangiye intambara muri Gaza mu kwezi gushize.
Imiryango myinshi ya gikirisitu yahunze umudugudu nyuma yuko abayisilamu bakubise abavandimwe babiri b’Abakristu.
Ul Qamar yagize ati: "Abahungu b’Abakristo bagera kuri batanu kugeza kuri batandatu, barimo Aqib na Asher, bavuye mu mudugudu kubera ko batinya ko bazongera kwibasirwa n’ibyihebe."
Yavuze ko uyu muryango wafashe icyemezo cyo kudatangaza aya makuru hakiri kare kuko batinyaga ko Abayisilamu babatera bivuye inyuma.
Se w’uwahohotewe yavuze ko abashinzwe iperereza batigeze babwira umuryango wabo ibyo babonye ku mugaragaro.
Ati: "Polisi yanditse ku mugaragaro ifatwa rya Zubair, urukiko rubaha ifungwa ry’iminsi ine, ryarangiye ku wa kane".
Uyu muryango nta bushobozi ufite bwo kwishakira umunyamategeko uzwi kandi wasabye ubufasha bw’imiryango ifasha mu by’amategeko n’imiryango ya gikirisitu.
Ul Qamar yagize ati: "Turashaka kubona umwicanyi wa Farhan ahanwa hakurikijwe amategeko."
Ati: "Niba tudashoboye kubona ababunganira mu by’amategeko, ndatinya ko umwicanyi azarekurwa, hanyuma nta mukristo uzagira umutekano muri uyu mudugudu. Nyamuneka udufashe. ”
Pakisitani yashyizwe ku mwanya wa karindwi rwahantu bigoye kuba umukirisitu, kuva ku munani umwaka ushize.
Source: Christian Post
