Natalie Grant, Tasha Cobbs Leonard, Tamela Mann, Naomi Raine na Katie Torwalt bayoboye umugoroba udasanzwe waranzwe no kuramya Imana mu ndiirmbo zikunzwe cyane.
Igihe Auditorium ya Ryman - icyo gihe izwi ku izina rya Union Gospel Tabernacle - yafunguye imiryango ku ya 4 Gicurasi 1892, inyubako y’amatafari yari yarateguwe nk’ahantu hateranira amateraniro y’idini, ibirori byo kwigisha ndetse n’imyidagaduro.
Iyi nyubako imaze imyaka 131 ifite inkomoko mu bubutse no kuramya, yubatswe nyuma y’uko kapiteni w’ubwato bw’inzuzi Thomas Ryman yiboneye ihinduka ry’idini ry’ububyutse bukomoka muri Jeworujiya, Sam Jones. Ryman yahise yiyemeza kubaka ikigo cy’iteraniro ry’amadini.
Kuwa Gatandatu tariki 27 Gicurasi, iyi nyubako yongeye kuba iwabo ho kuramya n’ububyutse bw’Umwuka Wera. Ni ibihe bidasanzwe byayobowe n’abaramyi b’abagore bakunzwe cyane ku Isi mu muziki wo kuramya no guhimbaza Imana, abo akaba ari Natalie Grant, Tasha Cobbs Leonard, Tamela Mann, Naomi Raine na Katie Torwalt.
Nk’uko Paradise.rw ibicyesha Billboard.com, aba bagore baramije Imana mu buryo bukomeye mu majwi yabo aryohera benshi. Abitabiriye bose bamaze umwanya munini bapfukamye barimo kuramya Imana, bazamuye amaboko kandi bifatanya n’aba baramyi mu ndirimbo zitandukanye.
Aba bahanzikazi baramije Imana mu ndirimbo zikunzwe zirimo "Turn Your Eyes" (Hindura amaso) ya Natalie Grant yakoranye na The Belonging Co) na "I’m Getting Ready“ (Nditeguye) ya Cobbs Leonard.
Cobbs Leonard yabwiye abari aho kureba hirya no hino no gufata ubwiza bw’imbaga nyamwinshi yari iteraniye kuri uwo mugoroba, avuga ko “imiterere itandukanye, ubunini butandukanye, igicucu gitandukanye, indimi zitandukanye. Hariho ikintu kimwe duhurizaho - amaraso ya Yesu Kristo atweza. Buri joro yagiye akora ikintu gishya kandi nta kintu dutegereje muri iri joro. ”
Yongeye ati: "Nitugera mu ijuru, ni gutya bizaba bimeze. Iyi ni imyitozo gusa.”
Urugendo rwo kuzenguruka Imijyi 21 mu bitaramo byo kuramya no guhimbaza Imana, rwatangiye muri Mata i Miami kandi rwageze mu mijyi irimo Washington, D.C.; Atlanta; na Houston. Ni gahunda ruzasozwa ku ya 1 Kamena i Wyoming, muri Leta ya Mich.
Igitaramo nk’iki kiramutse kibaye mu Rwanda aho abahanzikazi bakunzwe i Kigali bahurira mu gitaramo, byaba ari umunezero udasanzwe. Ibaze igitaramo cyahuriramo Aline Gahongayire, Tonzi, Diana Kamugisha, Jessie, Gaby Kamanzi, Vestine na Dorcas, Daniella wa James, Liza Kamikazi, Dorcas wa Papi, Mabosi, Neema Marie Jeanne, Dinah Uwera, Annette Murava n’abandi.
