Betelehemu ibarizwa muri Palestine, yahagaritse ibirori bya Noheri kugira ngo yubahe ’abamaritiri’ b’Abanyapalestine mu ntambara ya Isiraheli na Hamas.
Muri uyu mwaka nta Noheri izerekanwa mu mujyi wa Betelehemu uvugwa muri Bibiliya.
Ibirori byahagaritswe mu mujyi uzwiho kuba ari wo wavukiyemo Yesu Kristo mu gace ka Yorodani y’Iburengerazuba mu rwego rwo guha icyubahiro "abamaritiri" (Martyrs) bo muri Palesitine.
Ku wa Kabiri, Umujyi wa Betelehemu watangaje ku rubuga rwa Facebook uti: "Abakozi ba Komine ya Betelehemu batangaje ko hasenywe imitako ya Noheri yashyizweho mu myaka itari mike ishize mu baturanyi b’umujyi no gukuraho ibirori byose by’iminsi mikuru yo guha icyubahiro abamaritiri no gufatanya n’abaturage bacu i Gaza."
Ibyo bivuze ko ku nshuro ya mbere kuva ibirori bigezweho byatangira, nta biti bya Noheri cyangwa amatara yo gushushanya bizerekanwa mu gace ka Manger Square ka Betelehemu, bivugwa ko ariho hahoze ari amashyo ya Yesu nyuma y’ivuka rye.
Umuvugizi wa komini yavuze ko icyemezo cyo gusenya aho bavukiye ndetse n’indi mitako gakondo ya Noheri byafashwe hashingiwe ku "kibazo rusange muri Palesitine" n’intambara ikomeje muri Isiraheli na Hamas.
Isiraheli yarwanye na Hamas mu karere ka Gaza kuva umutwe w’iterabwoba wagaba igitero gitunguranye cyo ku wa 7 Ukwakira mu majyepfo ya Isiraheli cyahitanye abantu bagera ku 1200, cyane cyane abaturage, kandi bashimuta abandi barenga 240.
Ntibyatinze Isiraheli yagabye ibitero by’indege n’ibitero byo ku butaka muri Gaza, ishaka kurandura Hamas.
Hamas yafashe akarere ka Gaza kuva mu 2007. Minisiteri y’ubuzima ya Gaza iyobowe na Hamas ivuga ko kuva intambara yatangira abantu barenga 11.000, harimo n’ibihumbi by’abana bato.
Mu gihe hasabwa guhagarika imirwano, Isiraheli ikomeza ivuga ko ifite uburenganzira bwo kwirwanaho kugaba ibindi bitero mu gukuraho Hamas.
Hari abavuga ko abakristu bamwe bo i Betelehemu na Yeruzalemu "barakariye ubuyobozi bwa Palesitine" kubera icyemezo cyo guhagarika iminsi mikuru ya Noheri.
Itorero rya Nativity (The church of the Nativity) na Manger Square ni ahantu habiri hazwi cyane mu gihugu cya kera aho abagera kuri miriyoni 1 b’abakerarugendo b’abanyamahanga baza mu gihe cya Noheri.
Abantu benshi bakomeje kunenga iki cyemezo cyo gukuraho Noheri i Gaza.
Source: Christian Post
