U Rwanda rufite umuco wo gutera imbere no kwagura umuco n’umuziki wa gospel, kandi havuka igisekuru gishya cy’abahanzi b’igitsina gore bakomeje kugaragaza impano zabo.
Aba bahanzi barimo kwerekana uburyo bushya bwo gukora muzika ya gospel, kandi ishyaka ryabo n’ubwitange bwabo mu bukorikori bwabo nta gushidikanya bizabagira imbaraga zo kwitabwaho mu myaka iri imbere.
Abahanzi b’abagore bamaze igihe kinini muri muzika ya gospel yo mu Rwanda twavugamo nka Gaby Kamanzi, Tonzi, Aline Gahongayire, Lilliane Kabaganza, n’abandi, bamaze igihe kinini. Ariko hari Abanyarwandakazi 15 bo muri gospel bari gushyiraho igisekuru gishya.
1 Vestine & Dorcas
Vestine na Dorcas ni abavandimwe, bateranira mu rusengero rwa ADEPR, baje kwerekana ko bashoboye. Aba bakobwa baririmba indirimbo zo kuramya no guhimbaza Imana, bashyize hanze indirimbo ya mbere yitwa "Nahawe Ijambo". Nyuma bakoze ’Papa’ na ’Adonai’, "Simpagarara". Dorcas na Vestine bari mu maboko ya MIE ireba inyungu zabo muri muzika.
2 Miss Dusa
Miss DUSA ni mushiki w’umuhanzi Gentil Misgaro, yatangiye kuririmba afite imyaka umunani (8), ariko atangira kuririmba wenyine afite imyaka 14, atangira no kwandika indirimbo ze. Miss DUSA kuri ubu aba i Vancouver, muri Kanada, Umuziki we ushinze imizi mu kwizera kwe no ku byamubayeho, kandi akoresha urubuga rwe kugira ngo ashishikarize abandi kandi yegereje abantu ku Mana. lndirimbo ye yiswe" Komera".
3 Deborah Uwitonze
Deborah Uwitonze, wahoze mu bagize itsinda rikomeye ryo gusengera muri kaminuza y’u Rwanda, SIngiza Music, ni umuririmbyi n’umwanditsi w’indirimbo uzwi cyane kubera ijwi rye rikomeye n’amagambo yubaka. Umuziki we ushinze imizi mu kwizera kwe no ku byamubayeho. Mu ndirimbo ze zimaze gusohoka harimo; "Izina rya Yesu" nk’indirimbo ye ya mbere.
4 Yael
Yael ni umuhanzi wa gospel yo mu Rwanda yamenyekanye cyane kubera ijwi rye ritangaje, cyane cyane mu itsinda Kingdom of God Ministry. Yael yashakanye na Eric Rukundo, bakaba bakorana umuziki hamwe na Eric nk’ umucuranzi kandi akaba n’umwanditsi w’indirimbo ze. lndirimbo ye bazwiho yitwa "Hozana".
5 Laetitia Mulumba
Laetitia Mulumba ni umuhanzikazi wa gospel mu Rwanda utuye mu Bufaransa. Yamenyekanye cyane kubera amajwi akomeye n’ubutumwa butera inkunga. Mu buzima bwa buri munsi, ni umubyeyi n’umugore, we n’umuryango we baba mu Bufaransa.
Yashakanye na Producer uzwi, Bill Gates Mulumba. Laetitia, uhuza umuziki no kuba umuvugabutumwa. Yatangiye kuririmba akiri umwana. Album ye ya mbere yitwaga YAHWH YOSHOUA.
6 Yvette Uwase
Yvette ni umuririmbyi ufite impano uzwi cyane ku ijwi ryiza. Ashishikajwe no gukoresha urubuga rwe kugira ngo atere abandi inkunga kandi azamure abandi. Yvette Uwase yakoze indirimbo eshanu (5) harimo: "Ubwihisho", "Nzahagarara" yakoranye na Serge Iyamuremye, na "Ndareba" yakoranye na Adrien Misigaro.
7 Grace Nyinawumuntu
Grace Nyinawumuntu ni umuhanzi w’impano zitangaje, yakoze indirimbo eshatu kuva yatangira kuririmba wenyine. Ari zo "Nakijijwe n’ubuntu", "Ndamushima" na "Narakwiringiye". Ni umuhanzi ukiri muto. Hashize imyaka ine ari umuhanzi ku giti cye. Yamenyekanye cyane kubera ijwi rye rikomeye n’ubutumwa bwubaka.
8 Marie Grace lmanariyo
Marie Grace Imanariyo, ukoresha izina rya stage Gracious Gra3ce, ni umuririmbyi ufite impano, umwanditsi w’indirimbo, ufite n’icyifuzo cyo kwamamaza ubutumwa bwiza binyuze mu muziki. Gracious Gra3ce, umuhanzi w’u Rwanda uba muri Leta Zunze Ubumwe za Amerika, afite inzozi zo guhindura abantu benshi binyuze mu muziki we.
9 Madine Mbabazi
Umuhanzi uzwi cyane muri muzika ya gospel azwiho kuvuga ubutumwa bwiza bivuye ku mutima we mu ijwi rikomeye. Yabashije gushyira ikirenge cye hamwe n’indirimbo 3 zimaze kuba muri EP. Azwi muri Paruwasi ya Zion Temple Kibagabaga kandi ni umwe mu bayobozi basengera muri iryo torero.
10 Mwiza Zawadi
Mwiza ni inyenyeri izamuka mu muziki wa gospel wo mu Rwanda, uzwiho amajwi meza. Umuziki we ufite umwimerere. Yayobowe na Sunday Entertainment, kandi amaze gusohora indirimbo zitandukanye. Afatwa nk’umwe mu bahanzi bakora cyane bari kuzamuka.
11 Rachel Uwineza
Rachel ni umuririmbyi ufite impano, umwanditsi w’indirimbo, yamamaye mu bikorwa bya muzika ya gospel mu Rwanda. Ijwi rye rikomeye n’amagambo afite ireme, kandi ahita aba umwe mu baririmbyi bakunzwe cyane mu gihugu.
12 Annette Murava
Murava Anette ni umwe mu bahanzi bazwi cyane muri iyi minsi ukunzwe mu ndirimbo ’Niho Nkiri’, imwe mu zafashije abantu benshi kubera uburyo yaririmbwe, amagambo, n’amasomo arimo. Annette yashakanye na Bishop Gafaranga, umunyarwenya akaba n’umuhanzi wa gospel.
13 Peace Hozy
Umuhanzi azwi cyane kubera ijwi rikomeye n’amagambo atera imbaraga, kandi umuziki we uhuza injyana ya gospel igezweho kandi n’iya kera. Yahawe impamyabumenyi mu ishuri ry’umuziki rya Nyundo. lndirimbo ye azwiho yitwa "Uganze".
14 Senga Byuzuye
Senga B. ni umuhanzikazi w’indirimbo zihimbaza Imana, arubatse, kandi aba muri Kanada. Ni umuntu usengra mu itorero rya Source Of Life kandi ni umuyobozi wa Muzika cyangwa umutoza w’amajwi mu rurimi rwa Kinyarwanda. Senga B. yatangiye kuririmba muri 2020 kandi amaze gusohora indirimbo zirimo "Ndabizi".
15 Aline Winny
Aline Winny umuhanzi wabyirukiye mu karere ka Rubavu akaba yarakuze akunda kuririmba. Uyu muhanzikazi yashyize hanze indirimbo ye ya mbere mu mpera z’umwaka ushize ku wa 28 Ukuboza 2022. Indirimbo yitwa "Amashimwe" nyuma yahise akurikizaho indirimbo yitwa "Uri uwanjye". Aherutse gushyira hanze indirimbo yise "Isezerano".
Aba baramyi 15 b’igitsina gore bo mu Rwanda ni abo mu gisekuru gishya ntabwo bigarukira aha gusa hari n’abandi mu myaka iri imbere hitezwe umuziki w’igitangaza. Ni abahanga, bafite ishyaka. Biyemeje gushishikariza no gutera inkunga abumva ku isi yose amajwi yabo meza agezweho ndetse n’amagambo atera imbaraga, hamwe no kwizera gushikamye.
Src: Rwandagospel.com
