"Yesu yahagije abarenga ibihumbi bitanu (5,000) natwe tugomba gutera ikirenge mu cye". Iyo ni intero y’Itorero ry’Ababatisita ryateguye igikorwa acyo kugaburira abantu.
Itorero ryo muri Carolina y’Amajyaruguru ryiteguye gufasha imiryango 1.000 ibaha amafunguro ku buntu mu rwego rwo gutanga imfashanyo zitangwa n’impano zatewe no kugaburira Yesu 5.000.
Itorero ry’Ababatisita rya Lawndale (Lawndale Baptist Church of Greensboro) rizakora ibirori ngarukamwaka byo kugaburira abantu 5,000 ku wa kabiri utaha.
lki gikorwa kizatangira i saa kumi n’ebyiri n’igice za mu gitondo, kandi itorero ritegeka abantu kuhagera bitarenze saa kumi n’ebyiri za mu gitondo.
Umushumba Jimmy Jackson, yatangaje ko ibirori ngarukamwaka byateguwe bwa mbere n’uwahoze ari Pasiteri w’iryo torero, Joe Giaritelli kandi ahumekewe n’ibyanditswe.
Jackson yagize ati: "Yesu, mu murimo we wa mbere, yagaburiye abantu barenga 5000 mu nyigisho yakoze nk’uko byavuzwe muri Matayo 14: 13-21."
"Nk’abakristu, twizera ko tugomba guhaza ibyo abaturage bacu bakeneye kandi tukaba umuturanyi mwiza, nk’uko Yesu yabikoze kandi akabyigisha."
"Bumwe mu buryo dukora ibi ni ugutanga iki gikorwa buri mwaka. Dutanga kandi ibiryo by’umwungeri Shelf buri cyumweru. "
Jackson yagize ati: "Dukora iki gikorwa buri mwaka mu izina rya Kristo no ku bw’icyubahiro cye.
Turashaka kandi ko abaturage bacu bamenya ko natwe, turiho kandi tunabakunda. Niba umuryango wacu utubona twigana Kristo, bituma Kristo abona icyubahiro cyose mu isi ndetse no mu ijuru".
Source: Christian Post
