Iyo uvuze korari Betania ya ADEPR Gihundwe uhita wumva aho inkomoko ya Pantekote mu Rwanda, aho abatangiranye nayo hafi ya bose barashaje abandi baratabarutse.
Amakuru Paradise.rw icyesha umwe mu bakristo b’i Gihundwe mu Karere ka Rusizi ni uko umuririmbyi wa Bethania choir yakoze ubukwe butangaje nk’uko bigaragara mu mafoto twabashije kubona.
Abakoze ubukwe ni Sibomana Pascal umuririmbyi wa Korari Betania ya ADEPR Paruwase ya Gihundwe wasezeranye na Uwamahoro Angelique kubana akaramata nk’uko Ijambo ry’Imana ribisaba.
Ejo kuwa Gatanu ni bwo habaye umuhango wo gusaba no gukwa, wabereye mu Kagari ka Rugabano mu Murenge wa Nkanka mu Karere ka i Rusizi mu Ntara y’Uburengerazuba.
Uyu munsi kuwa Gatandatu tariki 25 Werurwe 2023 habaye umuhango wo gusezerana mu rusengero. Paradise.rw, yifurije aba bombi urugo ruhire, bazabyare hungu na kobwa bazahorane amata ku ruhimbi.
Bakoze ubukwe buryoheye ijisho
Bari baberewe cyane
Kuri uyu wa Gatandatu nibwo basezeranye imbere y’Imana
