Mnamo Desemba 18, 2023, Papa Francis aliwaruhusu rasmi makasisi wa Kanisa Katoliki kuwabariki wanaofunga ndoa za jinsia moja, katika mojawapo ya mabadiliko muhimu ambayo ameleta lakini mahususi kwa watu katika jumuiya ya LGBTQ+.
Jumuiya ya LGBTQ+ inajumuisha watu ambao ni mashoga, watu wa jinsia mbili, waliobadili jinsia, waliobadili jinsia kama mke akageuka mme , au waliobadili jinsia mme akageuka mke).
Papa alisema kitendo cha baraka kinaweza kufanywa nje ya taratibu za kawaida za Kanisa au liturujia, na pia mbele ya watu wa kawaida, kwa mujibu wa waraka wa Vatican ulioidhinishwa na papa.
Amri ya hivi punde zaidi ya kuimarisha masharti ya kubariki wapenzi wa jinsia moja iliyotolewa na Papa Oktoba, mwaka jana, inaashiria kubatilishwa kwa amri ya 2021 kutoka kwa ofisi ya mafundisho ya Vatikani iliyokataza baraka za watu kama hao ambayo inasema Mungu "hawezi kubariki dhambi".
Lakini kufikia Julai 2023, seminari inayoongozwa na Kardinali Victor Manuel Fernandez, askofu mkuu wa Argentina na mwanasheria wa Francis, ilitoa taarifa, iliyoandikwa na Kardinali Fernandez na afisa mwingine, kwamba alisema:
"Wakati watu wanaomba baraka, uchambuzi wa kina wa maadili haufai kuwekwa kama hitaji ili kutolewa." "Neema ya Mungu hufanya kazi katika maisha ya wale ambao hawadai kuwa wenye haki, lakini ambao wanakiri kwa unyenyekevu kwamba wao ni wenye dhambi, kama kila mtu mwingine."
Amri hiyo mpya inasema inafungua "fursa za baraka kwa ndoa katika hali maalum, na pia kwa wapenzi wa jinsia moja."
James Martin, kasisi Mjesuti ambaye anatetea Wakatoliki mashoga, aliita hatua ya hivi punde kuwa "hatua muhimu mbele katika huduma ya Kanisa kwa watu wa LGBTQ," akiandika katika X kwamba "inakubali hamu kubwa ya wenzi wengi wa Kikatoliki wa jinsia moja kwamba wanapokea. baraka kutoka kwa Mungu wakati uhusiano wao ni wa upendo."
Francis ameeleza kuunga mkono kutambuliwa kwa mashoga, na ameizuia Vatican kutokana na baadhi ya lugha kali ambayo imetumia siku za nyuma kuhusu watoto wa jinsia moja.
Papa pia alitoa msaada kwa mtawa wa Kimarekani Jeanine Gramick, ambaye amekuwa akiwazungumzia Wakatoliki mashoga kwa miaka mingi. Hapo awali alilaaniwa na Vatican lakini hivi karibuni alikutana na Francis, ambaye alimwita "mwanamke shujaa."
CNN iliripoti kwamba Papa anataka kila mtu awe na haki sawa katika Kanisa.
