Abantu benshi iyo bamaze gushakana, bakubaka urugo akenshi urukundo rugenda rugabanyuka, ugusanga abantu batakiryohewe n’urukundo, niyo mpamvu ari byiza ko wita kuri ibi bintu kugira ngo urukundo rugume rututumbe nanyuma y’ubukwe.
1. Gushaka umukozi
Gushaka umukozei hari abashobora kubyumva nk’ubutesi ariko siko biri kuko kuba mwese muhuza, muhugishijwe n’akazi mukora kugira ngo ubuzima mukomeze, mwagera no mu rugo ugasanga imirimo nayo ibaye ikindi, ntabwo ari byiza, niyo mbamvu biba byiza mufite umuntu ubafasha mu rugo kugira ngo munabone umwanya wanyu uhagije.
Ibi rero bika ingenzi cyane iyo mumaze kubyara kuko inshingano zo mu rugo ziriyongera n’ibyo mwakoraga byose hiyongeramo gutekereza ku mwana ariko iyo mubimenye kare mukabyitaho, mugashaka umukozi ubafasha, mubona umwanya wo kuryoshya uko mubishaka nk’umuryango.
2. Gukomeza kugaragarizanya urukundo rwanyu no m uruhame
Abantu iyo bagikundana baba bafatana ibiganza mu ruhame nta soni z’ubareba, mukina imikino yanyu y’urukundo mutitaye ku babareba, ibyo mu ndimi z’amahanga bizwi nka Public Displayed Affection (PDA).
Uko abantu bagenda bamenyerana, noneho iyo hajemo no gukura, mukanongera inshingano mukagira abana, ubwo buryo bwo kugaragarizanya urukundo bugenda bugabanuka akenshi uko inshingano zigenda ziyongera.
Rero aba ari byiza kubisigasira kuko bituma muryoherwa kandi niyo mwaba mwumve ko mwakuze kuburyo ibyo mwabirenze, aba ari byiza rimwe kwongera ibyo bintu bya kera bituma munumva ko mutarasaza.
3. Gufata umwanya mugasohoka umujyi
Kujya kure yo mu mujyi mutuye mukajya nko mu ntara gato muri kumwe bituma mukuza romance yanyu, icya mbere muba muri kure y’abantu n’ibintu byanyu byinshi, mwumva muri mwenyine, ibi bikaba byiza mu buryo bumwe cyangwa ubundi kuko bituma mwirekura, mukisanzura, bitandukanye no kuba muri ahantu muzi ko ari iwanyu. Bituma munaruhuka mumutwe mo ukuntu.
4. Guterana imitoma
Nta kintu kiryoha nko guterana imitoma n’umuntu mukundana, mubwirana amagambo meza, umurata nawe akurata, biba biryoshye, niyo mpamvu ibi ari byiza kubigumana na nyuma y’ubukwe kabona niyo mwaba mwarabyaye abana cyangwa mwarakuze mu myaka cyane, imitoma iba ikenewe, ituma uyibwiwe yumva ko akigezweho na nyuma yo yo kubana.
Imitoma ntisaza kandi nta myaka umuntu ageramo ngo yumve adakeneye kubwirwa amagambo meza, ahora ayikeneye ahora yumva aryohewe no kuratwa, bityo rero kunyuzamo ukabwira umukunzi wawe, cyangwa uwo mubana amagambo meza ni ingenzi cyane, jya ubikora.
