Bivugwa ko ibi byabereye mu kigo cyitwa Stationers ’Crown Woods Academy nyuma y’umuhungu w’umuyisilamu wanze kureba videwo y’abaryamana bahuje ibitsina beretswe n’umwarimu.

Mu majwi yafashwe, umugabo wavuzwe ko ari umwarimu kuri iryo shuri ati: "Nta mahitamo ufite yo kwiga cyangwa kutiga ubutinganyi muri iri shuri.’’

"Ni imwe mu ndangagaciro zacu. Ni indangagaciro z’Abongereza, kandi niba wanze kubikora, ibyo bizakemurwa cyane."

Ababyeyi b’Abakristo, bifuza ko batamenyekana, bavuga ko bafite uburenganzira bwabo bwo kurera umuhungu wabo uko bifuza bakurikije "imyizerere yabo ya gikristo".

Bashyigikiwe n’ikigo cy’amategeko cya gikirisitu (CLC) mu kirego barega iri ishuri.

Mu ibaruwa yandikiwe iryo shuri, ababyeyi bavuga ko uyu mwarimu "yakoresheje nabi ubushobozi nk’umwarimu atera ubwoba kandi atera isoni abanyeshuri, nta n’umwe muri bo usibye umunyeshuri umwe washyigikiye iyi ngingo".

"Jye n’umuryango wanjye turi abakirisitu. Dukunda umuturanyi wacu wa mugani nkuko dusabwa n’ukwizera kwacu n’Ibyanditswe Byera kubikora. Nubwo bimeze bityo ariko, dukurikije kwizera kwacu n’Ibyanditswe Byera, ntitwemera ubusambanyi n’imibonano mpuzabitsina n’abo duhuje igitsina. Ibyo ni ibyagenwe n’Imana."ibaruwa niko ivuga.

"Turemera ko tuba mu Bwongereza bwa none, ariko birababaje cyane kubwirwa ko imyizerere yacu idahuye n’indangagaciro z’Abongereza kandi turi abongereza. Birababaje kandi kuba umuhungu wanjye izi nyigisho zaramugezeho nubwo atigeze agira icyo abivugaho.

Irakomeza igira iti: "Nta bisobanuro byemewe n’amategeko bijyanye n’indangagaciro z’Ubwongereza bibaho ...ishuri rifite inshingano zemewe n’amategeko kugira ngo uburezi butangwa bwubahirize uburyo ababyeyi bifuza kurera abana babo bakurikije imyizerere yabo bwite."

Umuyobozi mukuru wa CLC, Andrea Williams, yagize ati: "Ntibisanzwe kubona uko ubona amakuru mu’ishuri ryo mu Bwongereza. Hano twerekanye ubwa mbere imvugo n’ibikorwa bya mwarimu uteza imbere ingengabitekerezo byabatinganyi.

"Hano ’gutandukana’ no ’kwihanganirana’ biri he? Dufite gusa monoculture isaba kwemererwa no kuzamura ibendera ryi " Iterambere ", cyangwa ibendera ryi " Ishema ", cyangwa ibendera rya transgender. Nta guhitamo umudendezo wo kutavuga rumwe.

"Umwarimu uri mu majwi ni umunyamahane mu by’ukuri abwira abana ko niba bakomoka mu muryango ufite imyizerere irwanya cyangwa inyuranye n’ingengabitekerezo cy’ ubutinganyi, bazataha bave mu ishur.

"Ibihumbi n’ibihumbi by’abana biga mu mashuri abanza n’ayisumbuye bahatirwa gukurikira imyumvire yabatinganyi ikabije ababyeyi babo batabizi.

"Tuzahagararana n’uyu muryango mu gihe bazatanga ikirego ku ishuri."

Mu itangazo ryashubije iki kirego, Leigh Academies Trust, ikorera mu Ishuri Rikuru rya Crown Woods Academy, yavuze ko iperereza ryatangijwe kuri aya majwi kandi ibyagezweho bikazamenyeshwa ababyeyi mu gihe gikwiye.

Trust academy yagize iti: "Duhereye ku cyiciro kibanziriza iperereza ryacu twabonye ko gufata amajwi byakozwe mu gihe umwarimu wa kabiri yahamagawe mu ishuri kugira ngo abaze abanyeshuri impamvu badatsinda neza isomo".

"Tumaze gusesengura amajwi twanenze imyitwarire ya mwarimu mu gihe cy’isomo itigeze n’ iteganywa n’amategeko kubijyanye no kwigisha umubano mu ishuri

"Turemera ko imiryango imwe n’imwe ishobora kuba ifite impungenge cyangwa ibitekerezo bitandukanye kuri izi ngingo, niyo mpamvu dushishikariza ibiganiro byeruye hagati y’ababyeyi n’abana babo ndetse n’ababyeyi n’ishuri kugira ngo ibibazo byose bishobore gushakirwa ibisubizo.

Intego yacu ni ugukorera hamwe. hamwe nimiryango kugirango abanyeshuri bose bahabwe uburezi bujyanye nibyifuzo byabo mu gihe dushyigikiye ibyo twiyemeje mu guteza imbere uburezi.